Pars Today

İroni mudafiə vəzir votışe: İroni balıstik reəkton imtıvon karde, mudafiə sahədə çı İroni ğudrəti ziyod karde xoto əncom bedə ijən de ətomiyə təvafuğ və Əmniyət Şura ğətnoməon həmohənq heste.

Bə İsna raporti əsos: qeneral mayor Husein Dehğan, fevrali 1 ədə jurnaliston cəmədə əlovəş karde: rəketon imtovon karde məxsusən mudafiə sahədə balıstik reəkton soxte bə İroni hərbiyə strateqiyaon əsos iyən de milliyə mənafe bərobəre bəçəy xoto hiç iradə iyən ğıvvə nibəznə İroni vədə mane bıbu.

İroni milli  Əmniyət Aliyə Şura rəis Əli Şəmxani həm ıştə tojə sıxənonədə votış: har kəs ki pidə İroni mudafiyə fəaliyəton məxsusən rəketiyə fəaliyəton vədə mane bıbu İron de əy moğabilə bəkay.

Əli Şəmxani təkidış kardə:İron ıştə orfi stratejikə mudafiyəkə hərbiyə bərnoməon dəvoniyero bə hiç beynəl xalğiyə kişvər ya təşkilati icozəon ehtiyocış ni.

Amerika və Avropavıjə kişvəron çı İroni tojə rəketiyə imtovoni bə Əmniyət Şura ğətnomə əleyh zınəşon bən iddia kardən ki ım rəketon karde bəznə ətomiyə bombaon barde.

İron vey kərə elanış kardə ki, istihsol bıə balıstik rəketonış bo ətomiyə bombaon barədəro suxtə ni, boçi ki bə NPT moahidə və mığobilə əsos İron bə ətomiyə silohon hiç ehtiyocış ni.