İronədə Koronavirusiku oxonə xəbəron.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 143 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor həm bə 133437 nəfər rəsə.

Xəbə omə ki tojədən 31247 nəfər bə Koronavirusi mıbtəlo bıə kəs İronədə peydo bin ki çəvonku 2781 nəfər hələ noxəşxonədən.

Iım yəni İronədə tosə bə ısət 6761855 nəfər Koronavirusi qətəşoneş ki çəvonku 6260240 nəfər noxəşxonəonku mırxəs bıən.

Dınyo vey kişvəronədə bənə İron, Omikron modılış bıə Koronavirus şiddətin surəti bənə tojə pandemik şəroyeti hevuj bıə.

Jığo elan bıə ki ısət 407 milyon nəfəriku vey cəmaət dınyoədə Covid-19 virusi qətəşone ki çəvonku bə 6 milyon nəfər nızi ıştə coni dastiku doəşone.