Bə Həzrəte Əhməd İbn Musa(ə)-i şəhodəti sorəqardışi xoto təsliyət.

Imruj, Rəcəbə manqi 17 Fevrali 19 de şiəyon 8 minnə İmom Həzrəte Əhməd İbn Musa(ə)-i şəhodəti sorəqardışi bərobəre.

Əhməd İbn Musa(ə) çı bozorqvarə İmomzodəonku iyən şiəyon 7-ə İmom Həzrəte Musə Kazim(ə)-i yolə fərzənd be ki İronıjon bəy Şaheçerağ voteydən.

Əhməd İbne Musa(ə) ıştə dədə nəzdədə vey ali məğom be və şiəyon bəy Kərim, Cəlilol Ğədr, Bozorqvar iyən Təğvaiin əvotin.

De İmom Rıza(ə)-i beyət bois be ki millət de Əhməd İbne Musa(ə)-i beyət kon və bəy Viloyəti Əmin ləğəbi bıdən.

Əhməd İbne Musa(ə) zəmoni ki ıştə bıvə İmom Rıza(ə)-i mulağatiro bə Tus səfər karde holədə be roy miyonədə və Şirozədə de Məmun Əbbosi xəbisə plani vositə şəhid be.

Isət İroni Şiraz şəhrədə Əhməd İbne Musa(ə)-i pokə hərəm çı Əhli-Beyti aşiğon vey mənəvi mərkət iyən ziyorətəkə vırəy.

Imruj Şiraz, Ğom və Məşhədədə vey məxsusə mərosimon bərpo heste.

Tolışi Rədio tərəfo Imrujnə ruji Rəcəbə manqi 17 şiəyon 8 minnə İmom Həzrəte Əhməd İbne Musa(ə)-i şəhodəti sorəqardışi ijən bəşımə təsliyət ərz kardəm.