Dışmenon hədəf şiə iyən sınnion miyono təfrəğə icod kardeye.
İroni zinə ruji cımə nımoji imomon İmom Rıza(ə)-i pokə hərəmədə terroristi həmlə iyən 2 qılə ruhani şəhodəti məhkum iyən təkid kardışone: ın hodisə çı dışmenon xəbisə plan be ki çəy hədəf hədəf şiə iyən sınnion miyono təfrəğə icod karde be.
Zahedan, Bucnurd, Kermanşah, Sənəndəc, Şiroz iyən Kiş şəhron və məntəğəonədə bıə sınnion cımə imomon zinə ıştə nımoji xotbəonədə Rəzəvi hərəmədə terroristi həmlə məhkum kardışone və əy çı istikbor və təkfirion tərəfo kəşə bıə xəbisə plani bə hisob vardışone ki çəy hədəf məzhəbi canq iyən mısılmonon miyono təfrəğə icod kardeye.
İroni zinə ruji cımə nımoji imomon təkidışon be ki İroni muminə mısılmonon hukmən de həminə təfrəğə icod əkə planon oşnoin iyən de huşinəti və aqahəti çəy vədə bəmanden, boçi ki dışmon pidəşe de hamsuyə kişvəronədə bıə şərayetiku sui istifodəon islamiyə umməti miyono ibemoni hədəf ğəror bıdə.
Dəvardə haftə 3 şənbə qıləy təkfiri şəxs Məşhədədə bıə İmom Rıza(ə) pkə hərəmi səhnədə de çəxo bə 3 qılə ruhani həmləş karde ki çəy nəticədə 2 qılə ruhani şəhi və i nəfər həm zəxmin be.
