İsveçədə anti İron hərəkəton; Həmid Nuri ailə tojə bəyoniyə.

İronıjə şahrvand Həmid Nuri ailə de qıləy bəyoniyə vositə İsveçədə bıə nohəxə pesoxtə bıə məhkəmə iyən bə İronıjə şahrvan Həmid Nuri həxi poymol bey etiroz lkardışone.

Bə İROB raporti əsos, Həmid Nuri ailə bəyoniyədə ğeyd bıə ki bə bəşər həxon ğanuni əsos, dastqirəkə dıvlət bəpe bə mıttəhəmi ailə çəy vəziyət iyən həbsi vırəku məlumat bıdən əmmo İsveçi dıvlıət qılıəy ğeyri ğanuni koyədə tosə vey faxti ın məsələ penhonış kardə be ki bənə icbori koy təğib kardənine.

Bəyoniyə dəvomədə ağaye Nuri ailə təkidış kardə ki çand kərə bə isveç muraciət kardəşone əmmo bəvo mulağat icozə doə bə ni və Həmi ısət 2 sor bəbe ki karserədəy və əy vinde imkon ni.

İronıjə şahrvand Həmid Nuri 2 sor çimi bənav de pesoxtə bıə ittihomi iyən bə İsveç varid bey zəmonədə dastqir bıə və hol ım ki əv ıştə kinə ailəvi problemon həlliro bə İsveş omə be.

Əv ısət 30 manq bıdə ki zindon iyən karserədəy və çəy vəziyət jəğo nohəx dəvom kardedə.