İroni zairon bə Kərbəlo vığandey, be vizə əncom bəbe.
İroni kişvəri vəziri əmniyyət-ğaydə ğanuni muavin 50 həzo nəfər çı İroni zairon be vizə bə Ətəbate aliyat vığandeyku xəbəş do.
Zinə şəv, İroni vəziri əmniyyət-ğaydə ğanuni muavin Sed Məcid Mirəhmədi de İrna votımonədə votışe: de İrağ kişvəri vəzarətxonə əncom bıə təvafuğon dumoədə, ğəror bıə İroni zairon be vizə bə Ətəbate Aliyat vığandə bıbun, həmçınin ğəror bıə ki Ğədire Xum əyyomədə, İroni zairon fərdi ya kərvoni surət, zəmini marzonku bə İraği kişvər varid bıbun.
İroni vəziri əmniyyət-ğaydə ğanuni muavin ijən təsdiğış do: Muhərrəmə manqədə, İroni zairon miğdor bə Ətəbate aliyat vığandey əlovə bəbe.
Mirəhmədi ijən təsdiğış do: Şələmçə iyən Mehran marzonku zairon karde bəznen bə Ətəbate aliyat varid bıbun.
Hicri Ğəməri 1443 minnə sori Zihəccə 18 iyən Miladi 2022 minnə sori İyolə manqi 18 minnə ruj de mısılmonon yolə idonku qıləyni, Ğədir nomo məxsusə əxloği və mənəvi idi bərobəre.
Ğədire Xun, Məkkə iyən Mədinə miyono qılə məntəğə nome ki Həccətol vidoədə, Xıdo Rəsul(s) Həzrəte Muhəmməd(s), dınyo şiəyon iminnə İmom, Həzrəte İmom Əli(ə)-i ıştəku bəpeşt, bənə Vəli iyən mısılmonon sərpərəsti elanış karde.
