Fələstini intifazə himoyə kardey iclos(Tehron) 1395 həzrət Ayətullah Əl uzma seyd Əli Xameneyi bəyonat

Fələstini intifazə himoyə kardey iclos(Tehron) 1395 həzrət Ayətullah Əl uzma seyd Əli Xameneyi bəyonat

بسم الله الرحمن الرحیم

الحمدلله رب العالمین و صلوات الله و تحیاته علی سید الا نام

محمد المصطفی و اله الطیبین و صحبه المنتجبین

قال الله الحکیم فی الکتاب المبین:

ولا تهنوا و لا تحزنوا و الا انتم الا علون ان کنتم مومنین

و قال غز من قائل:

فلا تهنوا و تدعوا الی السلم و انتم الا علون و الله

معکم و لن یترکم اعمالکم

Əvvələdə lozim vindəm bə şımə həmmə əzizə mehmonon  məclison muhtərəmə rəison  mıxtəlif fələstiniyə qrupon rəhbəron alimon muhəğğiğon və islam dınyo yolə şəxsiyyəton iyən ozodəti tələb kardəkəson xəşome bıvotom və şımə huzuri ım iclosədə əziz bıqətom.

Fələstinı dardinə hikayət və ın məzlumə milləti ğussə har  qılə ozodəti tələb bıkə iyən ədoləti tələb bıkə insoni norohət kardə və dılədə ve dard icod kardə.

Fələstinı tarix və zılminə işğalqərəti və çandə milyon insoni avərə karde və ın ğəhrəmanə milləti nıtarsə muğavimət xəyli çərçivəonış heste. Tarixədə qıləy huşinə təhğiğ nışon dodə ki tarixi heç qıləy zəmonədə dınyo heç qılə millətonku de jıqo zılminə hərəkəton iyən norohəti dim bə dim bə nin ki məntəğəku bə kəno qıləy hilləqərə hərəkəti nəticədə qıləy məmləkəti kamilə holətədə işğal bıbo və qıləy millət ıştə kəku avərə bıbo və çəvon əvəzi coqlə qrup dınyo mıxtəlif vıronku çəvon vırədə bınışto əmmo ım həm tarixı qıləy notəmizə səhifonkoy ki bənə oqlə notəmizə səhifon de mutəalə Xıdo izni bastə bəbe çı əvikiان الباطل کان زهوقا.وقال:ان الارض یرثها عبادی الصالحون.

Şımə iclos məntəğə və dınyo qıləy saxtə şərayetdə bərpo bedə.çəmə məntəğə ki həmmişə beynəlxalğə fitnəqərə hərəkəton vədə fələstinı milləti mubarizəonku tərəfdarətiş kardə bı rujonədə de veyə nooromətion və bıhronon dim bə dime.

Məntəğədə çandə qılə islamiyə məmləkəti behron bois bəy ta Fələstin və Ğudsı ozodəti mığəddəsə orzoonku mudafiyə karde tikəy zəif bıbo. Bə ım behroni nəticon diğğət doeədə bəvindemon ki çəyku bəhrə bardə ğıvvon kionin əvon ki ım məntəğədə sionist rejimışon iod karde ta qıləy dıroz mıddətə icboriyə daveku məntəğə inkişaf və vırə karde iyən istabiləti mane bıbon.ısət həm movcud bə hiyləon peştədə ğərorışon qətə hiyləoni ki bois bən ta məntəğə milləton zumandəti beyandı foydə daveon nəticədə arəku bışo və həmmə məğlub beədə bəvədə sionist rejimi ğıvvə bə dast vardeyu şərayet təşkil bıbo.jəqo ki ım miyonədə bə islamiyə omməti hakimon və alimon və xəy tələb kardəkəson hərəkəton şohid hestimon ki de dıləsoxti ın ixtilofi həl karde domon əmmo təəssuf ki deşmenon nığılə hilləon zınəşe kali devləton ğəflətiku bəhrə seədə daxiliyə canqon  bə milləton qi noe və əvoni deyandı bə canq məcbur bıkə və əvoni bə iyandı con eğande və ın islamiyə omməti xəy tələb bıkə hərəkəton əsəri kam karde.ə məsələ ki ım miyonədə əhəmmiyyətış heste fələstinı məsələ vədə sıst karde və  hərəkət çəy əhəmmiyyətiku kam kardeyu heste.

Ixtilofoni ki islamiyə məmləkəton deyandı hestışone kali bəvonku təbie və kali bəvonku deşmeni hillə və bəzion həm ğəflətiku icod bə və fələstin bəzne və bəpe çəvon həmmə qılə vəhdəti əsos bıbo.

Im erjinə iclosi nəticonku qıleni islam dınyo iyən ozodəti tələb kardəkəson İ minnə əsosə məsələ yəni Fələstinı məsələ iyən fələstinı millətiku tərəfdarəti kardeyu yolə hədəfon bə nəticə rusne və  çəvon həx iyən ədolət tələb bıkə mubarizəon roədə vəhdət iyən həmdıləti şərayeti icod kardeye.

 Heç vaxti bəpe fələstinı milləti siyasiyə mıdofiyə əhəmmiyyətiku ğafil nıbəmon ki islam dınyoədə məxsusə vırəş heste mıslmon iyən ozodəti tələb bıkə milləton bəpe de har qılə ro iyən metodi əmmo bəznen ilə hədəfi qırdo cəm be və əv fələstin və çəy ozodəti zərurətiyu fəaliyyət kardeye.

Sionist rejim iyən çəy əsosə şərikon məxsusən Amerkə zəifətion nışonəon oşko beədə muşahidə kardəmon ki qədə qədə dınyoədə bıə şərayet həm de sionist rejimi deşmenə hərəkəton iyən ğeyre ğanoni və ğeyre insoniyə hərəkəton mubarizə karde tərəfi şedə.

həlbəttə hələ ısət dınyo ictimayyət və məntəğə kişvəron zınəşon ni ın insunuyə məsələ vədə bə ıştə məsoliyəti əməl bıkən. Fələstini miləti vəşi holətdə etusniye dastqir kardeon ğətl ğarət ın milləti sərzəmion ğəsb ya işğal kardey və ın sərzəmini dılədə qədə şəhron soxte və ın sərzəmində xıristiyən və islomiyə mığəddəsə vıran və Əl-Əğsa məçit və Ğuds mığəddəsə şəhri rişə və sima əvəz kardey şəhrvandon i minə həxi səlb kardey və xəyli co qılə zılmon jığo dəvamış heste Və Amerkə və kali ğərbiyə dıvləton həmə tərəfə himoyəonış heste və təssof ki, de dınyo ləyoğətinə aksiyaon dim bə dim nin. Fələstini milləti fəxr kardə ki mıtalə Xıdo bəvon mınətış noə və ƏlƏğsa məşit və mığəddəsə sərzəmini mıdofiyə karde yolə risolət bə çəvon ohdəş noə.

In millət heç roşt ni ki bə ıştə mıtəalə pərvərdiqar və bə ıştə zotiyə zomandəti peştıpor karde bızno mıborizə hərəkəton jığo əncom bıdən və əlhəğ ki, ta bə ısət jığo bəy. 3 minə kərəyo işğaliyə sərzıminonədə intifazəi ki təşkil bəy dəvardə dı qılə intifazəku məzlome, əmmo hərəkətdə omidvarde.

Və bə Xıdovəndə Xalıği izni əsos bəvinden ki ın intifazə xəyli muhimə dərəcə ıştə tarixi mıborizəonədə bə vucud bəvarde və ın seyonist rejimi məğlib bəkay. In bənə xərçənq noxəşəti təşkil bə vaxtiku dərəcə bə dərəcə inkişafış bəy və bə ısətnə bəlo təbdil bəy və çəy dəmon həm bəpeə dərəcəş bıbo ki çandə qılə mığavimət və intifazə zınəşe xəyli muhimmə dərəcə hədəfon bə nəticə bırosno və hərəkət bəkay ta ıştə co qılə hədəfon ta Fələstini ozod kardey bə nəticə bırosno.

Fələstini yolə millət yali de beynəl-xəlğ siyonist və çəy himoyə əkan mıborizə bardə və de səbr əmo mıhkəm və paydar bə həmə idıa kardə kəson forsətış doə ta ıştə idda təcrobə bıkən. əruji ki de nadırstə idda və həğiğəti vinde və çəy miyonəlu şe navi qəteyo kamə həxi ğəbol karde və ciddi holətdə sulhon pılan elan be Fələstini millət və hətta həmə cəryanoni ki ın nəzə dırst nıbe çəvonyo sobot bəbı bəvon fırsətış do. əlbətə İron İslam Respublikə həmonə sıftənə rujonku bə ın nev sulhinə roon dırst nıbe takidışon ka və xəyli ziyan daxil kardə əsəron və çəy sanqinə ziyanonış elan kardə fırsəti ki bə sulh roy doəşe xərobə əkə tasironi ki mığaveməti roədə və Fələstini milləti mıborizə barde ico be. əmmo çəy faidə dırst nıbesobot karde və həğiğəti vinde təsəvvor əmələdə be.

Əsosə holətdə seyonist rejimi təşkil be ro cori ki nibəzne etusniye inkişaf tələb bıkə və Fələstini huğuği miyonə bardeku dast peqəto çon ki, çə muvcudiyyət və rişə Fələstini muvcud bıe və rişə kam kam miyonəku şe qirovədəy çı əv ki seyonist rejimi ğeyre ğanuni muvcud bıe qıləy sorətədə dəvom pəydo bəkay ki, bə rişə xərobəon və Fələstini muvcud bıe bino bıbo boçimi xoto ki, Fələstini rişəku mıhofizə karde ın rişə həmə nışonəonku həx və təbiyə holətdə qıləy vocib və zəroriyəkuy və qıləy çığəddəsə cihade ta vaxtiki Fələstini nom və yod ın millətii mığoviməti hərəkəton jığo bımando işğalqərə rejimi binovrə mıhkəm nibəbe.

Sulhi ro problem fəğət ın niki iqılə milləti həxiku dəvarde qıləy işğalqərə rejimi ğanuni bəkay ki ıştansə qıləy yolə təhlokəy və nibəbe çəyku dəvarde bəlkəm problem iyoy ki əsosiyə holətdə Fələstini milləti ısətnə şərayetdə heç iştırakış ni və sioniston inkişaftələb bıkə xısləton və təmə karəti və etosniyeə hərəkəton nəzədə qətedə ni əmmo ın millət de forsəton ğənimət zıniye zınəşe sulh bıkə iddaəkan idda subut bıkə və nəticədə qıləy milli icma mıborizə dırstə rondə Fələstini milləti həxə huğuği  bə nəticə rusniyeyo təşkil bəy. Isət Fələstini millət ıştə 30 sor karnamədə dı qılə fərğinə olqoş təcrobə kardə və de ıştə şərayet  çəy əlağə miğdaron zındə.

Sulhi ro mığobildə ğəhrəmanə mığavimətinulqu və dəvominə intifazə ğərorış heste ki, ın millətiyo yolə nəticəonış bəy və bın rujon vindəmon ki məlom bıə mərkəzon tərəfiku bə mığovimət hucum bedə və ya intifazəku sual kardən. Dışmeniku ğərəz çimi heç intizar ni çon ki bə ın ro dırst bıe və çəy təsiri komilə holətdə zınedə əmmo kali vaxt vindəmon ki kali cəryanon və hətta kişvəroni ki zahirdə de Fələstini millət bə inhirofə ro dəğandon bə mığovimət hucum kardən çon idda ıme ki, mığavimət ıştə çandə da soron ki çəy omriku dəvardə hələ ısət həm zınəş ni Fələstini ozodəti bə nəticə bırosno çanə ki ın ro piyo bəpe təhğiğ bıbo cəvobədə bəpe bıvotəmon dırıste ki mığovimət hələ zınəş ni Fələstini komilə holətdə ozod bıkə lakin mığovimət zınəşe Fələstini məsələ bəji oqəto bəpe vıvindəmon ki əqər mıqovimət nəbi ısət çı şərayetımon hest bı? mığoviməti muhimə nəticə sionist pouroyekton vədə əsosiyə mane icod kardey. mığoviməti muvəfəğiyət bə dışmeni qi qıləy canqi ovoştıniyeədə ki bə dışmeni ociz mande bois be yəni zınəşe sionist rejimi əsosə bərnamə ki həmə məntəğə bə ıştə çanq qəte bı de məğlobiyət dimbə dim bıkə ın hərəkətdə bəpe de həği əsos mığovimət iyən ğəhrəmanoni ki, mıxtəlif dıvrəonədə və sionist rejimi təsis karde əvəliku mığovimətışon karde və dıştə coni təğdim kardey mığoviməti boidəğışon rost karde və bnəsl bə nəs əvışon ovoştoni bəpe tərif bıbo işğali bə peştə mığoviməti rul həmə kəsiyo oşkoy və yəğinən miladi 1973 nə sori canqədə qədə movəfəğiyətonədə nibəznemon mığoviməti ruli  inkor karde  və miladi 1982 minəsoriku məğovimətiku bə Fələstini daxildə bə milləti ohdə ğərorış qətə.

Livani İslamiyə mığovimət Hezbullah roku rəse ta Fələstini mıborizə bardey roku bəvon komək bıkə əqər mığovimət seonis rejimışon məğlob kardə nıbe ısət bə çəy dastdırozəti  bə co qılə məntəğə sərzəminon şohid əbimon Misriku qətəşe ta bə İordaniya İrağ və Farskurfəz və co qılə məntəğəon. Ha ın qıləy muhimə nəticəy əmmo ın fəğət mığoviməti nəticə ni və

 Livani cənubi ozodəti və Ğəzzə ozodəti dı qılə muhimə dərəcəiyə hədəfi bə nəticə rəse Fələstin ozodəti roədə bə hisob omedə ki zınəşe seonist rejimi coğrafiya ve karde roy əks holətdə bıkə. Miladi 80 minə soriku bə peştə nə inki seonist rejim nıznəşebə tojə sərzəminon dast dırozi bıkə bəlkəm çəy bə domo nışte Livani cənubiku de zilləti xaric beədə təşkil be və iyən de Ğəzzəku çəy zilətin ə xaric bıe dəvamış pəydo ka.

Heçkəs nibəzne iminə intifazə mığoviməti əsosi və təin bıkə roli inkor bıkə.

Dıminə intifazədə həm mığoviməti rul xəyli əsosi və muhim be. Intifazəi ki nəhayətdə seonist rejimış vodor ka ta Ğəzzəku xaric bıbo.

Livani 33 rujə canq və Ğəzzə 22, 8, 51 minə rujə canqon həmə mığoviməti çokə karnaməon kuy ki bə dınyo həmə ozodəti tələb bıkə insonon və islam dınyo məntəğə həmə milləton fəxri bois be.

33 rujə canqədə əməliyə holətdə bə Livani millət və hezbullah mığovimətəkə odəmon bəbı əmmo bə Xıdovəndə Xalıği koməki əsos və Livani mığovimə milləti yolə ğıvvə əsos seonist rejim və çəy əsliyə himoyədə yəni Amerikə məğlob bin ki de ruhətəti bə əməntəğə hucum kardey nibəznen.

 Ğəzzə dəvominə mığoviməton ki ısət bə mığoviməti məğlob nıbə ğalə təbdil bəy çandə qılə dəvominə canqonədə nışonış do ki ın rejim xəyli sıste ki qıləy milləti iradə navədə paydarəti ğıvvəş bıbo.

Ğəzzə canqon əsliyə ğəhrəman qıləy milləte ki çandə sor iğtisadiyə muhasirə tov vardey əmmo de bə imoni ğodrəti peştıpor jığoən ın ğaləku mıdofiyə kardə. Və bəpe Fələstini ozod kardeyo Fələstini mığoviməti həmə quroponku İslamiyə cihadi hərəkətiku Seraya Əl- Ğuds Həmasiku Kətaeb Əzzədin Ğessam Fəthiku Kətaeb Şuhəda Əl-Əğsa və Xalğ cəhbəku Kətaeb Əbu Əli Mustəfaku ki, ın canqonədə erjinə rulışon bəy təşəkkur krde.

Əzizə ğonəğon seonisti rejimi huzuriku muvcud bə təhlukəku bəpe heç vaxt ğəflət nıkəmon və liza mığovimət bəpe ıştəku dəvom doeyo həmə lozim bə əbzaronış bıbo vəm ın roədə məntəğə həmə milləton və dıvləton və dınyo həmə ozodi tələb bıkə odəmon vəzifəşon heste ın mıborizəəkə milləti ehtiyacon təmin bıkən ki Fələstini milləti paydarəti və mığoviməti əsliyə vırəy ki ıştansə mığovimə fərzəndonış perosniyə.

Fələstini millət və Fələstini mığoviməti ehtiyacon təmin kardey qıləy muhimə məsələy ki bəpe bə əməl bıbo ın roədə bəpe bə mığoviməti əsasiyə ehtiyacon İordaniya ğərbiyə sahili roədə diğət nıkarde ki ısət məzlumə intifazə əsliyə koşon bə ohdə heste Fələstini mığovimət həm bıpe ıştə dəvardə rujonku ibrət peqəteədə bə ın muhimə noktə diğətış bıbo ki mığovimət və Fələstini xəyli erjine ki ərəbi və İslamiyə keşvəron miyono və ya kişvəron daxili ixtilafon və ya məzhəbi və ğomiyə extilofonədə dave bıkə.

Fələstinıjon xususən mığoviməti qrupon bəpe ıştə erjinə vırə ğədri bızno və bə ın extilofon daxil nıbon İslamiy və ərəbiyə kişvəron və həmə milliy və İsalmiyə cəryanon vəzifəşon heste Fələstini arızoon xidmətdə ğəror bıqəton.

Mığovimətiku himoyə karde çəmə vəzifəy və heçkəs həxış ni bə çəvon komək kardey vədə məxsusə intizarış bıbo. Ha yeqanə koməki şərayet ım ki ın koməkon Fələstini milləti zomandəti və mığoviməti strukturonyo xaric bıbo.

Mığavimət dışmeni vədə bə paydarəti fikon ğəbol karde çəy həmə cəhətonədə ın koməkon dəvomi zamine bə mığoviməti nisbət çəmə mıvğeiyət qəte qıləy osoli muvğeiyəte və bə məxsusə qrup əlağəş ni har qrupi ki ın roədə paydar bıbo de çəy ico hestimon və hr qrupi ki ın royku xaric bıbo çəmə kp doəro bəy de İslamiyə məğoviməti qrupon çəmə nığılə əlağə bə mığoviməti nəsıli əlağəş heste co qılə nuktə ki bəpe bə işarə bıkəmon Fələstini mıxtəlifə qrupon miyono ixtilof səliğəon ve be xoto nəzəon mıxtəlif bıe qıləy təbiyə koy və ta əvırə ki, həminə baxşonədə bımando və inki bə Fələstini millət mıborizə karde ve be həm bois bəbe.

Lakin problem əvaxtiku təşkil bə be ki ın ixtilofon və bə canq boyis bıbo ki bın sorət də mıxtəlifə cəryanonədə de ğodrəton və de yandı ğıvvə xonsa karde əmələn qıləy roədə ğədəm peqətən ki çəvon həmə mıştərəkə dışmenəti tələbe.

Ixtilofon modiriyət karde və səliğəon və nəzəon fərğon qıləy hınəy ki həmə əsliyə cəryanon bəpe əy bə ko bıqəton və cori ıştə mıborizə mıxtəlifə bərnaməon de bərnamə noe ki fəğət bə dışmeni təzyiğ daxil bıkə və bə mıborizə zumandəti bois bıbo milli vəhdət bə cihadiyə bərnaməon əsos Fələstinıjon millət həmə tələbon xoto çəy bə nəticə rəseyo hərəkət bıkən mığovimət bın rujon de co qılə hilə həm dim bə dim və əv dostə hərəkətonin ki hərəkət kardən Fələstini milləti intifazə və mığoviməti ıştə

Royku mınhərif bıkə və əy Fələstini dışmenonyo ıştə sirriyə ticarətonyo xaric bıkən.

Mığovimət bimiku huşine ki bə ın tələ eqno xususən əv ki Fələstini millət mığovimət və mıborizə həğiğiyə rəhbər və dəvardə rujon təcrubə nışon dodə ki ın millət şərayeti dəğiğə holətdə dərk kardey bə ın inhrofon mane bıbon və əqər cəryani mığovimət cəryanonku bə tələ eqno ın millət bənə dəvardə rujon bəzne ıştə ehtiyacon istehsal bıkə. əqər qıləy qrup muğaviməti pərçəmi bə zəmin bınə yəğin ki coqlə qrup fələstinı milləti dıliku bebəşe və ə pərçəmi bə dast bəqəte.

Yəğin ki ım iclosədə ehtırominə şəxsiyyəton fəğət fələstinı məsələ barədə fəaliyyət bəkan ki de təəssufi dəvardə çan sorədə çəy həxədə lozim və zəroriyə diğğəton bə nin.yəğin ki  məntəğə və mıxtəlif vıronədə bıə islamiyə umməti movcud bə behronon bə  ciddiyə diğğəton ehtiyaciş heste.

 Lakin əviki bə ım qırdbemon boyis bə fələstine məsələy.ım iclos bəzne qıləy olqo be ta çəy roədə hərəkət kardeədə şe şe həmmə mıslmonon və məntəğə milləton bıznon bəştə iştirakinə məsəlon əsosi ixtilafon bə kəno noe və qılə bə qılə əvoni həl kardeədə  bə Muhəmməd(s) umməti veyə zumandəti şərayeton hozzı karde.

Oxoyədə lozim vindəm ijən şımə aliğədrə mehmonon huzuriku təşəkkur bıkəm.

Həmçinin islamiyə şura məclisi rəis və da minnə məclisədə çəy koy həmroon zəhməton xoto ım konfransi təşkil doeyu təşəkkur bıkəm yolə Xıdoku tələb kardəm bə şımə həmmə fələstinı məsələdə xıdmət kardeyu ki həmmə mıslmonon iyən dınyo azadəon vəhdəti əsos heste tofiğ bıdə.

 Xıdavəndə xalıği səlom və rəhmət bə islami həmmə şəhidon  fəth bıkə roh təğdim bıbo.məxsusən sionist rejimi vədə muğavimətı yolə şəhidon iyən islamiyə respublika  təsisəkə pokə roh ki həmməys ve fələstinı məsələdə zəhmətış kəşə.muvəfəğ və səbarz bıbən.

والسلام علیکم و رحمت الله و برکاته