Kaspi dıyo royku bə ozodə ovon, Rusiyə əmtəəon tranzit
İroni kişvəri vəziri məntəğə bə inkişof rəsə və iğtisodi həmohənqi muavin votışe: Farsi xəlic və Omani dıyo royku bə ozodə ovon Rusiyə məhsulon tranzitiro Kaspi dıyo zərfiyətonku istifodə kardey qıləy vey muhimmə stratejikə roye.
Bə İrna raporti əsos, İron və Rusiyə beynəlxalğə həmkoətion qrupi 5minnə iclos ki de virtual surət və de Rusiyə iğtisodi bə inkişof rəsə vəziri muavin Dimitri Vovlvaç iştiroki bərpo bıə, İroni kişvəri vəzir məntəğə bə inkişof rəsə və iğtisodi həmohənqi muavin Muhsen Koşeştəbar votışe: İroni dıvləti cəhd, de hamsuyə kişvəron iğtisodi əloğəon inkişof doeye.
Koşeştəbar ijən bə İsfəhon və Senpetersborqi bıvəti işorəş və əlovəş karde: ım həmkoəti ulqu bəpe 2 qılə kişvəri co qılə ostanonədə həm əncom bıbu.
məntəğə bə inkişof rəsə və iğtisodi həmohənqi muavin votışe: Rusiyə vey pidəşe ki İroni səmtiku xorək məteriyalon təmin bıko, əv ijən votışe: həminə barədə muxtəlifə təklifon mucude ki karde bəzne əmtəə fəaliyət və vığande əlovə bıdə.
Rusiyə iğtisodi bə inkişof rəsə vəziri muavin Dimitri Vovlvaç həm bə 2 qılə kişvəri xususi baxşi miyono ticorəti əlovə bey təkidış karde və votışe: Rusiyə vey pidəşe ki İronədə investisiya əncom bıdə.
