İslomi İnğilobi Sepah Təşkilot: sionist rejimi cinoyəton becəvob nibəmande

İslomi İnğilobi Sepah Təşkilot təkidış karde: beşək sionisti pesoxtə bıə rejimi cinoyəton be cəvob nibəmande və çəy cəvobi bəvinde.

Zinə İşəmbə rujədə İslomi İnğilobi Sepah Təşkilot de qıləy bəyoniyə muntəşir kardey vositə, fidokor, de ixlosin və momenə zabit, kapitan Meğdad Məhğani Cəfərabadi və Sepah hərbi mışovironku qıləyni mayor pasdar Milad Heydəri şəhdoti təsliyət votışe, ım 2 nəfər Cımə sıb Suriyə Dəməşğ ətrofədə sionist rejimi cinoyətkorə həmlədə bə şəhodət rəsə bin.

İslomi İnğilobi Sepah Təşkilot ım bəyoniyədə elanış kardə: beşək sionisti pesoxtə bıə rejimi cinoyəton be cəvob nibəmande və çəy cəvobi bəvinde.

Şəhid Məhğani, canqədə Şəhid Milad Heydəri dust be ki əv həm Cımə rujədə de sionist rejimi həmlə vositə şəhid bıə be.

Cımə sıbədə Dəməşğədə sionist rejimi hərbi təyyorəon çand qılə hədəfi bambaonışon kardə.

Bə Suriyə mediyaon elani əsos, Əldimas məntəğə de sionist rejimi təcavuzkorə hərbi təyyorəon vositə hədəf ğərorış qətə.

Suriyə ərtışi həvoiyə mudafiə sistem muvəffəğ bıə çand qılə vığandə bıə rəketon təğib iyən məhv bıko.