Bə Çin kişvəri İroni ğeyri nat ixracat əlovə bey
İron və Çini mıştərəkə ticori palata yol votışe: bə Çini məğsəd, İroni ğeyri nat ixracat 31 fayiz əlovə bıə.
İron və Çini mıştərəkə ticori palata yol, Məcid Rıza Həriri de İrna votımonədə əlovəş karde: Şəmsi 1401 minnə sori əvvəliku İron və Çini devləton miyono vey çokə rabitəon bərğəror bıə be və bə çəy xoxo dəvardə sori 2minnə nimədə bə İron, Çini iminnə vəziri muavin varid bey və bə 25 sornə sənədon və muğaviləon imzo bey və çəy ko bə oxə rəsey bois bıə.
İron və Çini mıştərəkə ticori palata yol həm bəyonış kardə ki həmmə surətədə İron bo Çini qıləy əbədi və stabilə şərike, əv ijən votışe: həmmə kişvəron karde bəznen, 2 ya çand tərəfiyə siyasi, iğtisodi əloğəonışon bıbu boçi ki dınyo bəştə mənafe hərəkət kardedə və İron həm ıştə vırə bə inkişof rosniye və de tol kişvəron rabutədə veyə səhm cəzb kardeyro vey cəhd kardedə.
İron və Çin ticorət dınyo vey kanə rabitəonku bə hisob omeydə ki avşum caddə icod bey zəmoniku bino bıə və dəvardə ğəronədə de həmmə problemon ğət bıə ni.
Bə Çini qomroki elani əsos, Milodi 2021 minnə sorədə, ım kişvəri ticori mıbodiləon de İron, 14 milyardo 760 milyon dollariku vey be ki Milodi 2022 minnə sorədə, və de 7 fayiz əlovə bey bə 15 milyardo 795 milyon dollar rəsə.
