Imruj, İroni İslomi Respublika ərtışi ruj

Imruj, Fərvərdinə manqi 29 minnə ruj, İroni İslomiyə ərtışi koəkəyon fədokorətion ğədrdonəti ruje.

Fərvərdinə manqi 29 minnə ruji nom noey, İroni islomi Respublika təsisəkə Həzrəte İmom Xomeyni(r)-i təşəbbusonku qıləyni be, əv həm qıləy şəroyetədə ki İslomi ərtış de daxıli və xarıci muxtəlifə maneon icod kardey dim bə dim be.

Bə İron İslom Respublika ərtışi sıxənəvot, əmir Şahin Təğixan votə əsos, de ərtışi ruj və zəmini ğıvvə ğəhrəmonəti icod kardey ruji həmzəman, Tehron və İroni co qılə şəhronədə, İron İslom Respublika ərtışi yeqanon parad bərpo bəbe.

İron İslom Respublika ərtışi sıxənəvot, ərtışi ruji dəme mınosibəti təbrik votışe iyən əlovəş kardə: Həzrəte İmom Xomeyni(r) Fərvərdinə manqi 29 ruj  Ərtışi ruj nom noəş be və və həminə mınosibəti 44 minnə sorəqardışi astanədə, Həzrəte İmom Xomeyni(r)-i mələkotiyə hərəmədə və de İron İslom Respublika prezident, İroni İslomiyə ərtışi maşini və həvoiyə yeqanon pardi mərosim bərpo bəbe.

Qeneral Təğixan bəyonış kardə: bə Rəməzan mıburəkə manqi əyyomi xoto, ım mərosim maşini surət bərpo bəbe, əv ijən votışe: İron İslom Respublika ərtışi canqi zumandətiku i baxş maşini yeqanon ğolibədə paradi vırə mığubil hərəkət kardedən.