Pars Today

İroni Yolə Rəhbəri votışe: dışmoni tələbon əks, universitetه tələbəon bəpe İroni həğiği fik iyən iştimaiyətədə təhəvolaton bəpeşt qıləy dıroz mıddətə plani çərçivədə dınyo fik iyən həğiğətonədə təhəvolaton dumoədə bıbun və həminə cəhətədə cəhd bıkon.

Həzrət Ayətullah Xamenei zinə de çand həzo nəfər universitet tələbəonku bıə təşkilaton və fəalon vindemonədə tələbə və universitet tələbəti fikon və nəzəon qıləy kişvəriro bənə fırsət və erj zınəşon be və bə universitet tələbəon əğidəvi zumandəti təkid kardey kənoədə ədoləti bənə həminə mərefəti prinsiponku qıləyni bə hisobışon varde və hamiyəşone: çı ədoləti vey muhimmə nımonə nobərobərətion miyoniku bardeye.

Ə Həzrət çı mərefəti əsoson co qılə yəni ozodəti barədə votışe: İslomədə maddi məhdudiyəton iyən tələbonku xilos bey çı ozodəti vey muhimmə baxş heste ki bə təali iyən inkişofi ijən cumud, təhcur, əsəboniyət, irtico, yoləşəxəti, diktatori və co məhdudiyəton ozodəti tərəf hərəkət karde xoto roon həmo kardə.

Həzrət Ayətullah Xameni ıştə sıxanon dəvomədə de əvoni ki universitet tələbəon fəaliyəti bənə təhdid zıneydən muxalifətşon karde və təkiış be: çıme ğəti iyən hətmi nəzə ıme ki tələbəon nəzə, fəaliyət, tələbon, kişvəri məsələon barədə çəy məsuliyət hisson, ənqizə, muşkilaton miyoniku bardeyro çəy meyl ijən siyosi mərosimon və ıştimaii hodisə iyən bərnaməonədə çəvon iştirok qıləy fırsət iyən erj bə hisob omeydə.

Ə həzrət kişvər iyən universitet tələbəonədə 2 ğutbi atmosferi icod karde və bə behronon ğeyri həğiği, ğeyri əməli iyən ğeyri elmi diyə karde bənə universitet tələbəon fəaliyətonədə bıə ofot zınəşon be və hamiyəşe: de təcili rəftor karde, bə mənfi noğtəon təmərkuz karde iyən bə ruşinə məsələon diğğət nıkarde, əsəboniyət, məhəlli problemon bə milli məsələ əvəz karde, ıştəni nışo doeyro ko karde iyən sosiol şəbəkəonədə ğərğ bey əcumlə çı universitet tələbəon fəaliyətonədə bıə ofotonku coqılə bəyonış karde.

Həzrət Ayətullah Xameni bə İroni milləti bəştə və bəştə zumandətion bədbin karder xoto dışmoni strateqiya işorə və təkidış karde: sosiol şəbəkəon bənə həğiğət ko kardedə və heste əmmo kali ımon bənə ovəyzi mətləb və təhlilon ğəbul kardən vəhol ımki bəpe həminə şəbəkəonədə səhihə xəbə və təhlilon muntəşir bıbu.

İroni Yolə Rəhbər bə de minhərifə insonon vositə mənfi təhəvlaton icod bey imkoni işorə karde kənoədə cıvonon bə serate mustəğimədə hərəkət iyən dini, elmi, əğli və irodə prinsipon zumand karde tovsiyəşon karde və votışone: har kəs həminə koonədə bə inkişof bırəsi və bəştə təğva əlovəko maştə çəy təsir vey bəbe.

Ə Həzrət universitet tələbəon nomi de elmtələbi, civonəti, veyə hərəkət, tojətələbəti, nur dətovniye, humanitarə hisson iyən de fəsod və beədoləti mubarizə barde unvanon bə ico zınəş be və hamiyəşe: universitet tələbəonro ımonku vey muhim qıləy fiki və əğidəvi infrastruktur soyib beye ki bəpe daimən zumand bıbu ki ın koy məno co fəaliyəton tətil karde  və fəğət mutaliyədə məşğul mande ni bəlkəm de universitetədə fəaliyəton həmzəman bəpe de dini mənbəon unsiyət və de əmin iyən nığılə alimon rabitə bıqətən.