Kənani Çafi: Fələstini milləti ğətliam bənə sioniston har rujnə rəftoron əvəz bıə
İroni xarıci vəzarətxonə sıxənəvot votışe: bəşər həxon duə iddeoəkəyon sukuti nəticədə, Fələstii addi millət və fəalon terror və ğətliam, bənə sioniston har rujnə rəftor əvəz bıə be.
İşəmbə rujədə İroni xarıci vəzarətxonə sıxənəvot, Nasır Kənani Çafi Tıvitterədə nıvıştəşe: beynəlxalğə təşkiloton xususi UN nomo əmniyyəti şura, sionist rejimi vədə Fələstini milləti himoyədorətiro, ğanuni məsuliyəti soybe.
Sionist rejimi hərbiçion har ruj bə muxtəlifə bəhonəon, Fələstini məzlumə milləti şəhid, zəxmin və ya dastqir kardedən.
Fələstinəjon həm bə ım cinoyəton cəvob doey cəhəto, bə sionist rejimi ələyh əməliyaton əncom dodən.
Həminə holədə Şənbə rujədə, sionist rejimi hərbiçion Tolkərəmədə bə Nur Şəms nomo kəmp həmlə kardışone ki çəy cərəyonədə, Fələstini muğavimət 2 qılə hərbi ğıvvə şəhid bıə.
