Tehroni Cımə nımoji xətib: sionist rejimi zumandəti məhv bıə
Tehroni cımə nımoji xətib bəyonış kadə: sionist rejimi zumandəti məhv bıə, əv ijən votışe: bəpe muğaviməti cəhbədə mudafiə ğudrət zumand bıbu və Fələstini muğavimət, de zu iyən səbarzəti ım roy dəvom bıdə.
Bə İrna raporti əsos, Tehroni cımə nımoji xətib Huccətul İslom vəlmoslemin Muhəmməd Cəvad Hac Əli Əkbəri dəvardə haftə cımə nımoji xutbəonədə de işorə bə Fələstini oxonə təhəvulaton votışe: İslomi İnğilobi Yolə Rəhbər Fitrə idi nıtğədə qıləy stratejik təyin kardəş və ım stratejik ım be ki ımruj İslom dınyo bəpe bə Fələstini daxıli ğıvvon komək bıkon, və ım stratejik de İslomi Respublika himoyə ıştə roy dəvardedə və sığə intifozəku bə rəket intifozə rəsə və sionist rejimi niqəron kardəş.
Tehroni cımə nımoji xətib ijən bəyonış kardə ki sioniston vey şiddətinə be hərəkətionədə qiriftorin, əv əlovəş kardə: ım məhv bey holədəy rejim ıştə nicotiro və ıştə kabineti icod beyro ıştə vey cinoyətkorə amilonku qıləyni bə ko qətəş be, əmmo çəy vəziyət vey bevəc bıə.
Huccətul İslom vəlmuslemin Hac Əli Əkbəri ijən Fələstini be qınohə milləti şəhid kardeyədə bə sionist rejimi cinoyəton işorə və təsdiğış kardə: de sionist rejimi vositə, hırdənon kıştey, ım rejimi məğlubiyəti nışonəy, həlbətə ım cinoyətkorə rejimi kornomə addi milləti kışteyku pure.
Tehroni cımə nımoji xətib ijən təkidış kardə ki bəpe həmmə islomi ummət Fələstini muğavimətiku himoyə bəkon ta karde bıznon bə mudafiə noğtə bırəsən, əv ijən təkidış kardə: ısətnə şəroyetədə çəmə həmmə təklif ıme ki Fələstini muğavimətiku himoyə kəmon boçi ki ım həmləonədə de huşinəti muğavimət kardışone.
Seşəmbə ruji sıbiku sionist rejimi ğırəkə təyyorəon deştə qıvonə həmləon vositə bə Ğəzzə tanqə həmlə kardışone.
Bə həminə həmləon cəvobədə, Çoşəmbə rujədə Fələstini muğaviməti qrupon bə Telaviv və co qılə sioniston şəhron de rəket vositə həmlə kardışone.
