Qeneral Fədəvi: İron İslom Respublika zumandəti, deşmononro təsəvvur kardənin ni.
İslomi İnğilobi Sepah Təşkiloti komandiri caneşin təkidış kardə: İron İslom Respublika zumandəti, deşmononro təsəvvur kardənin ni.
Milodi 2022 minnə sori Sentiyabrə manqi oxonə rujiku, İroni muxtəlifə məntəğəon iğtişoşoni şoyd be ki çəy iminnə rujonədə kali mediyaon rol ım iğtişoşonədə oşko be.
Im iğtişoşonədə Amerkə, Avropa iyən Avropa siyasi yolon, çəvon mediyaon iyən ğərbi himoyə jintonədə bıə farsi mediyaon de İroni milləti həx-huğuğiku himoyə kardey şuar, iğtişoşonku himoyə kardışone iyən İroni milləti əmniyyəti məhv kardışone.
Əmmo İroni milləti hevujə iştirok, deşmonon xəbisə planon və çəvon işğtişoşon be nəticə kardəş be.
Bə İrna raporti əsos, ımruj çoşəmbə İslomi İnğilobi Sepah Təşkiloti komandiri caneşin Qeneral Əli Fədəvi votışe: dəvardə sorədə, deşmon qıləy vey yolə canqon bə İron İslom Respublika ələyh əncomış do, və ıştə həmmə cəhdon əncomışdo ta ım sərzəmini hırdənon çəş iyən quşon və fikon təsirədə ğəror bıdə əmmo tojədən məğlub bin.
İslomi İnğilobi Sepah Təşkiloti komandiri caneşin ijən əlovəş kardə: bəpe cəhd bıbu ta deşmonon xəbisə planon be nəticə bəbe.
