Həzrət Fatimə Zəhra(s) viladəti sorqardımoni mınosibətiku təbrik.

Imruj esfəndə manqi 29 bərobər de hicri ğəməri 1438-ə sori cəmadi-əlsani 20 və milady 2017 minnə sori martə manqi 19 islam peyğəmbər(s) əzizə kinə həzrət Fatimə Zəhra(s) səadətinə milad ruje.

İslam peyğəmbər(s) əzizə kinə həzrət Fatimə Zəhra(s) hicrətiku 8 sor bə nav cəmadi-əlsani 20 nə ruji bə dınyo omə.

ım əzizə xanım hırdənətiədə vəyı kədə ıştə dədə islami əzizə peyğəmbər(s) hidayətonədə bə kəmal və elm iyən fəziləti yolə mərtəbəon rəsə.

həzrət Muhəmməd(s) əzizə kinə həmçinin dınyo şiəyon 1 minnə imom imom Əli(ə) səmimiyə kədə həmməysə çokə şərayetəndə həyat həmroəti iyən inə be vəzifəş  əncom do və yol  iyən əzəmətinə insonon əcumlədə imom Həsən(ə) imom Huseyn(ə) və həzrət Zeynəb(s) yolış karde.

həzrət Fatimə Zəhra(s) həmmə cəhətonədə dınyo jenon olqo bə hisob omedə və həzrəti milad ruj ironədə bərobəre de islamiyə Respublika təsisəkə mərhum həzrət imom  Xomeyni milad rujədə.

ironi təğvimədə ım ruj inə və jenon ruj nom noə bə və ım rujədə jenon məxsosən inəon məğamiku təşəkkur bedə.

tolışi rədyo koy həmroon tərəfiku ım əzizə ruji bə həmmə təbrik votdəmon.