İroni xarici koon vəziri bə mığavimət qrupon rəhbəron vığandə mesaj

Huseyn Əmir Əbdullahiyan: sionistiyə deşmen Ğəzzədə bəştə heç qılə elan kardə hədəfon rəsə ni.

İroni xarici koon vəzir Huseyn Əmir Əbdullahiyan bə mığavimət qrupon rəhbəron və mığavimət əkə milləton iyən Livan və Fələstinı səbr əkə milləton xitob vığandə mesajədə mığavimətı şəhidon yod və xatirə qirami qəteədə mıbarək Rəməzanə manqi dəme mınosibəti təbrikış vote və əlovəş karde sionistiyə deşmen Ğəzzədə bəştə heç qılə elan kardə hədəfon rəsə ni.

Bə İRAN PRESS aqentəti xəbon əsosi Huseyn Əmir Əbdullahiyan bə Livani hizbullah yol sed Həsən Nəsrullah,Fələstinı islamiyə mığavimət hərəkati siyasiyə dəftərxonə rəis İsmail Həniyə iyən Fələstinı islamiyə cihad hərəkati yol Ziyad Nəxalə xitob vığandə mesajədə oməy de mıbarək rujə manqi və kərimə ğıroni əvəsor iyən subhanə Xıdo mehmonəti manqi bino be mınosibəti bə şımə cənabon iyən mığavimət vənifrətinə sionist rejimi vədə həmmə mucahidon eyne holədə həmmə əzizə şəhidə ailəon və canqi conbozon(yarəjəon), Livan və Fələstini mığavimət əkə iyən səbrışon bıə milləton təbrik votedəm.