Salehi:ironi 3 qılə atominə plani oşko bəkamon.
İroni atom enrji təşkilati rəisi votışe:atom texnoloqiya milliyə rujədə ironi 3 qılə atominə plan Ğəzvin Əlborz və Yəzd ostanonədə bə bəhrə bərəsen və 40 qılə tojə bə dast omə nəticon bə meydon bevarde mərasim həm bərpo bəbe.
Imruj 1 şanbə 2017 minnə sori apreli 9 fərvərdinə manqi 20 nə ruj ironi rəsmiyə təğvimədə atom texnoloqiya milləyə ruj nom noə bə.
ironi atom enerji təşkilati rəis zinə şanqo ironi TV 1 minnə kanali votımonədə əlavəş karde ironi Ğəzvin ostanədə ditəsərrufat iyən səhiyyə baxşonədə istifadə kardeyu atom elmiku tojə bə dast omə nəticonku bəhrə barde iyən orani çokə sığon addiyə sığonku co karde plan zardə keyki istihsalədə xərcon kam kardeyu və nati vəzorətxonəyu bə inkişaf rəsə santırifiyoqon və tehroni rəktori enerji keyfiyyəti bə inkişaf rusneyu bə plan min cumlə planonku heste ki ımruj bə bəhrə bərəse.
Əli Əkbər salehi orani pəydo karde və çəy istihsalış ironi atom sənaye baxşədə ıstratejikə məsələş zınə və votışe: desbə ısət ironi sərzəmini 70 faiz orani kəşf kardeyu həvoiyə təhğiğonku dəvardəy və ommidvar əkə vıron həm oşko və kəşf bən.
Salehi omə 10 sori muddətdə de Rusiyə və Çinı həmkarəti ironədə 2 qılə tojə stansiya soxteku xəbəş do və əlavəş karde İron ım 2 qılə ıstansiya iyən Boşehr ıstansiyaru ha sor bə 600 ton orani ehtiyaciş bəbe.
