İroni Paris Paralimpiyadədə iminə medal

İroni Paris Paralimpiyadədə iminə medal

İroni milli parataekvondist Zəhro Rəhimi 2024-ə sori Parisədə dəvordınə bıə Paralimpiyə Hənəkon iminə medalış kəsb kardə.bə Tele-Rədyo xəbə aqentəti doə məlumoti əsos,Parisədə 2024-ə sori Paralimpiyə Hənəkon taekvondo mısobiğə iminə didoədə pencşambə şəvi İroni təmsiləkə Zəhro Rəhimi mənfi 52 kq vəzni dərəcə final vindemonədə Çin,Braziliyə və Qırcıstoniku bıə rəğibon məğlub kardə holədə,bə Ulan Bayari de 2:5 hisobi dəboxtışe və nəticəş bə Moğolıstoni nımoyəndəş təhvil doe və nığə qıyozəş se.

Rəhimi iminə canqədə çinıjə Şao Jianış de 13:2 hisobi məğlubış karde,peso braziliyavıjə varzışkor bıə Maçado de 6:4 hisobi ğalib omə holədə bə niməfinali rost be.əv,bın mərhələdə bə qırcıstonıjə Çaparidze de 6:0 hisobi səbarz bıə holədə bə final dido beşe.

15 sinnədə çe İroni Paris Paralimpiyə Hənəkon kərvoni həmməysə cıvonə uzv bıə Rəhimi ıştə iminə konvoy nişonış bə dast vardə.Paris Paralimpiyə Hənəkon taekvondo mısobiğəon 42 kişfəriku 120 para-taekvondoçi iştiroki bərpo beydə.İroni 65 paralimpiyə varzışkoron bənə nıştəco voleybol,taekvondo,atletika,tiyğandey,ğayığ romey,qolbal,sınov hardey,cudo və qonə atletikə idmanə nevon sahədə rəğobət bəbardeyn.XVII Tıvostonə Paralimpiyə Hənəkon avqusti 28-ədə tobə sentyabri 8-ə ruji çe 22 idmanə nevon sahədə 188 qılə kişfəriku de 4400 varzışkoron iştiroki bərpo bəbe.