Ğasımi:Pakestan bəpe ıştə əraziku bə ironi zid terroristin cinayəton vədə cəvob bıdə.

İroni xarici koon vəzorətxonə sıxanəvoti votışe:Pakistanı devlət bəpe ım məsələ barədə ki terroristiyə qrupon çokonə çəvon əraziədə huzurışon heste və bə ironi zid əməliyat təşkil dodən cəvob bıdə.

Bəhram Ğasımi pakestanı sərhəddə silah bə dast qətə əşrar iyən terroriston hucumədə bə ironi sərhəddiyə məmoron ki bə can nəfəri şəhodət bois be işarəş karde və votışe:əşrar iyən terroristiyə qrupon tərəfiku terroristiyə əməliyaton icra İron və Pakestanı sərhəddonədə məhkum və ğəbul nıbə məsələy.

Ğasımi əlavəş karde məmləkətoni ki bə terarizmi zid koalisiyaonədə iştirakışon heste bəpe cəvob bıdən çokonə ıştə ərazi dılədə silah bə dastqətə əşrar iyən terroristiyə qruponədə mubarizə kardeku ociz hestin.