İrəvoni:Əmə Ğətəri hukuməti ıştənimudafiyə huğuğiku himoyə kardedəmon

İroni barzə diplomat:Əmə Ğətəri hukuməti ıştənimudafiyə huğuğiku himoyə kardedəmon

İroni barzə diplomat:Əmə Ğətəri hukuməti ıştənimudafiyə huğuğiku himoyə kardedəmon

İron İslom Respublika İMT-ədə bıə səfir və dayimi numayəndə elonış kardə:İron ın cur beğanunəti cəvobən çe Ğətəri hukuməti bə beynəlxalğə huğuğ və İMT Nizomnomə əsosən ıştənimudafiyə huğuği de ğətiyyəti  himoyə kardedə.

Əmir Səyid İrəvoni Əmniyyət Şura fevğəladə iclosədə bıə bəyonotədə təkidış kardə:Əmə ijən həm İslomi Həmkoəti Təşkiloti nizomnoməku nəşətış seyə və devləti yolon və xarici koon vəziron Zirvə qırdbemoni dumo yande bıə ğətnoməon,bə devləton mehkəm bıə prinsipiyal və zumandə mevğey təkid kardedə;bə uzv devləton suverenəti və əmniyyəti ələyh har qıləy təcavuzi ğətiyə şikilədə rədd kardə mevğe.

İroni İMT-ədə bıə səfir iyən dayimi numayəndə əlovəş kardə:Çın mevğey həmməysə oxonə təzahur İslomi Həmkoəti Təşkiloti Xarici Koon Vəziron 22 iyun 2025-ə sori İstanbulədə bərpo bıə 51-ə iclosədə ğəbul bıə ğətnoməy.Ğətnomədə AİŞ və seonist rejimi bə İroni zidd silohinə hucumon de ğətiyyəti məhkum kardey bıə və Əmniyyət Şura de beynəlxalğə sulh və əmniyyəti ın ciddiyə təhdidi təcili şikilədə mubarizə bardero və bə nizomnomıə VII fəsli bob,seonist rejimiku boştə təcavuzi dərhol oqətey məcbur kardero ğətiyə tədbiron vindey vanq kardey bıə.

İrəvoni həmçinin təkidış kardə ki,İron İslom Respublika çe seonist rejimi bə Ğətəri hukuməti ələyh terrorə təcavuzi və silohinə hucumon de ğətiyyəti məhkum kardeydə ki,bə çandə qılə Fələstin və Ğətəri mulki vətəndoon şəhid və zəxmin bey boyis be və bə Ğətəri hukuməti ıştə həmrayəti və himoyə bəyon kardedə.