Bəpe bə İroni nuvə obyekton kardə hucumi ziyonon əvəzi doə bıbu

Ərağçi:amerkə iyən sehyonist rejim bəpe bə İroni nuvə obyekton kardə hucumi ziyonon əvəzi bıdon.

İroni xarici koon vəzir bə İMT Əmniyyət Şuro sərkatib iyən uzvon nıvıştə nomədə çe amerkə iyən sehyonist rejimi bə İroni atomi mərkəzon kardə oxonə təcovuzış beynəlxalğə ğanunon oşkoə darışteyış zıne iyən çın təşkilotiku təcili hərəkəton əncom doeyış tələb kardə.Seyd Əbbos İrağçi elonış kardə ki,Nətənz iyən çe Buşehri stansiya nezi bə İroni sulhamizə nuvə obyekton hucuumon İMT Nizomnomə,Atomi Enerji Beynəlxalğə Aqentəti iyən Beynəlxalğə Həxon ğaydəonış darıştə.Əv,təkidış kardə ki,atomi təsisoton hədəf ğərol doey bə radyoaktivə maddəon hovujə surətədə pevolo bey iyən bo mərdum və ekoloqiyə təhlukənin bey bəzıne.İroni İslomi Respublikə xarici koon vəzir ın həmləonış çe canqi cinoyət iyən bə beynəlxalğə sulhi ələyh təcovuzi nımunəonku xaraktizəş kardə iyən təcovuzkoron məhkum kardey,hucumon dərhol oqətey iyən kompensasiya pərdaxt kardeyış tələb kardə.