Tojə icbor bıə canqi barədə İron və Ğəzaxistoni muzakiron

İron iyən Ğəzaxıstoni xarici koon vəziron telefonə votemonışon kardə.

İroni İslomi Respublikə xarici koon vəzir Seyd Əbbos Ərağçi və Ğəzaxıstoni xarici koon vəzir Yərmik Kuşirbayev dəvardə pencşambə ruji çe Ğərbi Asiyə hodisəon iyən amerkə iyən sehyonist rejimi bə İroni ələyh hərbi təcovuzi nəticəon barədə bıə qıləy telefonə təmosədə votemon iyən nəzə mıbodiləşon kardə.Ərağçi çe amerkə iyən sehyonit rejimi təcovuzon şərh doə holədə elonış kardə:amerkə iyən sehyonist rejimi Ənzəli porti hədəf ğərol doeyədə bıə hərəkət,Kaspi dıyoədə əmniyyət iyən stabiləti ciddiyə formədə de təhlukəş dimbədim kardə və zəruriye ki,sahili kişfəron bəpe bə ın cinoyətkoronə iyən təhlukə icod kardə hərəkəti ıştə vohid iyən ğətiyə reaksiyə nışon bıdon.Ğəzaxıstoni xarici koon vəzir de mevcudə vəzyətiku ıştə norohətçəti ibroz kardə holədə,bə İroni ələyh hərbi təco vuzi vey rə oqətey zəruriyyəti iyən bə məntəğə sabitəti iyən əmniyyəti oqardey cəhətədə bıə bəştə kişfəri hozzıəti iyən koməqi təkid kardəşe.