İroni milli əmniyəti aliyə şura bəyoniyə

Canqi oxonə vəziyət iyən muzakiron barədə İroni milli əmmniyəti şura tojə bəyonot.

Bə ironi şərofətin, yol və ğəhrəmanə milləti elon kardəmon deşmeni no merd, ğeyre ğanuni və cinayətkarə canq bə ironi milləti zid de inkor nıbə, tarixi və bə mot bıkə məğlubiyəti dim bə dim bə və de islomiyə inğilobi yolə rəhbəri Həzrət Ayətullah uzma imom Xameneyi pokə xuni bərəkəti, iyən islomiyə inğilobi yolə rəhbəri, həmmə ğıvvon əzəmətinə fərmondə Həzrət Ayətullah seyd Muctəba Xameneyi tədbiron iyən mucahedəton və islomi rəzməndəon ğəhrəmanətion, cəhbəonədə iyən şımə əzizə milləti tarixi, əmand və ğəhrəmanə huzuri meydonədə, canqi həmonə təşkil bə rujon əvvələdə İron bə qıləy əzəmətinə səbarzəti rəsə və cinayətkarə amerkəş məcbur karde 10 qılə maddəş bıə plani ğəbul bıkə ki bəvədə Amerkə usuliyə sorətədə vəzifədo bəmande ki təcavuzi ğət bıkə, bə Hormozı tanqə ironi əhotə dəvom, orani qəncin karde məsələ ğəbul be,əvvəliyə və sanəviyə sanksiyaon darıştə be,əmniyyət şura iyən hakimon şura həmmə ğətnaməon bə oxo rəse,bə İron qıniyə ziyanon oqırdıne, Amerkə hərbiyə ğıvvon məntəğəku xaric be və həmmə cəhbəonədə canqi ğət karde min cumlə bə ğəhrəmanə livani islomiyə mığaviməti zid hucumon ğət beye.Im səbarzəti bə ironi həmmə cəmiyyəti təbrik votdəmon və təkid kardəmon ki hələ tosə ım səbarzəti kırtə məsələon nəhayi beyu bə istiğamət iyən məsul şəxson tədbir və vəhdəti hifz be İroni milləti miyonədə ehtiyozi heste.İslomiyə İron, Livan,İrağ, Yəmən və işğaliyə fələstinədə de mığavimət ğəhrəmanə mucahedon həmro dəvardə 40 ruji mıdətədə bə deşmen zərbəonış jə ki dınyo tarixiyə yaddaştiku heç vaxti yoddə benibəşe.İron və mığavimətı mehrəv şərofət və insoniyyəti nımayəndəon unvanədə insoniyyəti həmməysə vəhşion vədə qıləy tarixiyə canqi bəpeştə bəvon qıləy əbədiyə dərsışon doə və çəvon ğıvvon, imkanon və həyatiyə mərkəzon və həmmə siyasi, ixtisadi, texnoloqiya və hərbiyə sərmayəonış jıqo vılo karde ki deşmen ısət təziği jiyədəy və ironi yolə millət iyən mığavimətı şərofətinə mehvəri irodə vədə ğəyrəz təslim be coqlə roş ni.əvvəlnə rujədə ki ironi cinayətkarə deşmen ım zılminə canqış bino karde fik kardə be qıləy kırtə zəmonədə bə iron komilə hərbiyə əhotə pəydo karde bəzne və siyasi iyən ictimaiyəti no oroməti icod kardeədə ironi təslim bəkay.Fik kardə be ironi rəketon və dıronon otəşi ve rəv okışte bəzne və bovə kardə nıbı ki İron karde bızno ıştə marzonku bə kəno və məntəğə yolə dayirədə jıqo qıləy zumandə cəvob bəvon bıdə.Beynəlxalğə xəbisə siyonizm, Amerkə nodonə prezdentış rozi karde ki qoya ım canq ironi ko sə karde bəzne və əvon karde bəznen insoniyyət və bəşəriyyəti ım oxonə cəhbə və sanqari miyono bardeədə çimi bəpeştə de rohətə şərayeti har qıləy cinayəti bə ha kəsi zid ki bıpiyoşe əncom bıdə.Im pərişonə hani vində bin ki əzizə ironi baxş bə baxş bıkən və çəy nat və sərvəti ğarət bıkən və nəhayətədə ironıjon həm qıləy noorəmətiədə dırozə soronədə qiroftor bəkan və əvoni jıqo bəştə əhvoli bahaşten.İslomi ğəhrəmanə mubarizon ki çəvon dıl ıştə imomi şəhodətiku yarəjə və tikə tikə be, bə mıtəalə Xıdo peşt pur beədə və ıştə şəhidə sərvər və salari roədə mandeədə bə ğərol omin i kərə və bo həmmişə bə ım deşmenon qıləy tarixiyə dərs bıdən və çəvon nakonə cinayəton ğısosi bıstənon və qıləy şərayet icod bıkən ki deşmen bo həmmişə bə əzizə İron təcavuz karde fiki ıştə səyku xaric bıkə və ironi yolə milləti vədə qədə be iyən zəloləti təmi komilə holətədə bıçaşto.De ım strateqiyavə məmləkətədə icod bə nımonəviyə siyasi və ictimaiyətiyə vəhdətədə, İron və mığavimət ,de Amerkə və sionist rejimi həmməysə qonə tərkibiyə canqış tarixədə binoş karde və ım mıddətədə bəştə həmmə hədəfon ki çı canqiku hozzış kardə be rəsə.İron və mığavimət məntəğədə Amerkə hərbiyə maşinış təğribən komilə sorətədə miyono bardışe.Bə xəyli həyatiyə mərkəzon və imkanoni ki deşmen qıləy dıroz mıddətə zəmonədə de İron canq kardeyu məntəğədə icod və çəy ətrofədə vırəş kardə be darıştə zərbəonış vinde.Məntəğəiyə cəhəto bə Amerkə cinayətkarə ərteşi hevojə səviyədə tələfat qıni.

İşğaliyə sərzəminonədə qonə zərbəon bə deşmeni ğıvvon, həyatiyə vıron iyən çəvon sərvəton qıni və həmmə cəhbəonədə meydonış jıqo deşmeniyu tanqış karde ki, ne ım ki deşmeni heç qılə əsosə hədəfonku təşkil nıbı bəlkə deşmen 10 ruj canqi bino be bəpeştə dərəsə ki heç qıləy şərayetədə ım canqədə səbarz be ğıvvəş ni və boçimi xoto de mıxtəlif roon cəhdış karde de İron əlağə oqəteədə otəşvəsi tələbi bəyon bıkə.