İroni Ləşkəri sıxanəvot:Bo Dışmeni Mıborizəro Nuyə Ssenariyon Proqnoz kardey bıə

Pars Tudey-İroni İslomi Respublikə Ləşkəri sıxanəvoti bəyonış kardə:AİŞ-on bə kişfəri infrastrukturon və sahili əraziyon bıə hucumon dəvom kardə mıddətədə İroni silohinə ğıvvon cəvob hucumon dəvom bəkardə.

Pars Tudey bə İroni Tele-Rədyo Şirkəti istinodən doə məlumoti əsos,İroni İslomi Respublikə Ləşkəri sıxanəvot briqada qeneral Əkrəminiya de Amerkə təcavuzkoron bıə mıborizədə oxonə vəzyəti izoh kardə mısohibədə bəyonış kardə:Amerkə tərəfi təfahumi memorandumi darıştey bədiqə,əmə ısət bə canqi nuyə mərhələ şoyd beydəmon;İroni İslomi Respublikə silohinə ğıvvon həm bə dışmeni təcovuzon cəvobən cəvobə hucumon bə həyot dəvordıneydə və ın əməliyyoton çe AİŞ-on bə kişfəri infrastrukturon və sahil əraziyon kardə hucumon dəvom kardə mıddətədə dəvom bəkardə.Bə ın vəzyəti dıroz bey zidd xəbərdorəti kardə briqada qeneral Əkrəminiya bəyonış kardə:Amerkəvıjon bəpe bızınon ki,ın proses dırozə mıddətədə bın şikilədə dəvom kardey əzıni və əqər əvon bə İroni cənubi məntəğəon ələyh bevəcə əməlon dəvom kardeyədə isror bıkon,əmə mıtləğən nuyə tədbiron bəvindemon.Nuyə senariyon proqnoz kardey bıə və bo dışmeni muhoribə dəvom kardey navi qəteyro mıtləğən qıləy nuyə plani əncom bədomon. Bə nuyə muhoribə məydonon daxil bey bə İroni strateji səçınonku qıləyni bey təkid kardə İroni Ləşkəri sıxanəvoti bəyonış kardə:Mınosibə vaxtədə bəyon bıəninə coqlə strateqiyaon həm heste.Peşo əv,bə İroni Hərbi Həvo Ğıvvon vəzyəti işorə kardə holədə votəşe:Iştə vəzyəti və ıştə canqi ğabiliyyəti çok kardeyro çe otəşvəsi fırsətiku tam istifodə kardemone;Əslədə,vocib bıə İroni İslomi Respublikə Ləşkəri Hərbi Həvo Ğıvvon və Mıdofiyədə bıə çımı həmkoon bə dışmeni təcovuzi ələyh barzə əhvol-ruhiyyə, motivasiya və ğətiyyəte ki,xoşbəxtətiku ımruj əmə bəsə dəvardə rujonsə vey hozzımon.