Rudbari Damaşi qıyədə "Susən Çılçırağ"-i vıl
Rudbari Damaşi qıyədə "Susən Çılçırağ"-i vıl
Bə "Giloni Tele-Rədyo aqentəti məlumati əsos,Rudbar şəhri Ətrof Muhiti Muhafizə İdorə rəyisi votəşe:"Susən Çılçıraği vıl çın şəhri Damaşi məntəğə qıyəonədə bemedə.Susən Çılçırağ vıl bə 1 hektari nezi çın məntəğə bandə vırəonədə beşedə və çəy vıl doe proses ha sor bın manqədə 2 ya 3 haftə dəkəşedə".
Ətrof Muhuti Muhafizə İdorə rəyis Bəhruz Aji əlovəş karde ki,çəmə idorə koəkəyon bəşəv-bəruj ım nadirə vıli oqətey iyən nığo doey koyədə ıştə dasto omə koon əncom doydən.ım vıl çı 50 santiku de tobə 150 santi bolo doydə.
Bəhruz Aji elanış karde ki,ha sor bo ın vıli vindeyro,10 həzo turist Rudbari Damaşi qıyədə festival dəvordıneydən.çın vıli elmi nom"Lulium Ledeburiye".ım nodirə vıl iminə kərə 42 sor çımi bənav İronədə kəşf bıə və kişvəri Ətrof Muhit Muhafizə İdorədə 41 sor çımi bənav de 71 numrə təbiiyi iyən milli əsəri unvanədə ğeyd bıə.
Im ğəşənqə vıl çı dınyo dıqlə noxtədə bemedə,Rudbar iyən lankonədə.
