Terroristiyə hərəkəton vədə İ bə milləton təşkilati tam jəeku ironi tənğid.

İ bə milləton təşkilatədə İroni nımoyəndə muavin terroristiyə hərəkəton vədə çı təşkilati tam jəeku tənğidış karde və əmniyyət şuraku tələbış karde ta de terroriston mubarizə kardeyu ve ciddi bəştə vəzifə əməl bıkən.

İ bə milləton təşkilatədə bə ironi nımoyəndə muavin Ğulam Huseyn Dehğani bə İ bə milləton təşkilati rəis iyən əmniyyət şura devrəiyə rəisi nıvıştə məktubədə dəvardə 5 şanbə ruji iraği Hillə şəhrədə bə terroristiyə hucumi işarəş karde ki nəticədə ironi huseyniyə zaironku qıləy qrup bə şəhodət rəsedən.

Dehğani ıştə sıxanon dəvomədə votışe: ım 1 minnə kərə ni ke ironıjə zairon de terroristiyə hucumon dim bə dim bedən və əlavəş karde ım zairon çandə kərə terroristiyə hucumon vədə ğərorışon qətə.

Dehğani məntəğədə de terroriston əcumlədə İŞİD terroristi vədə bə fəaliyyəton işarəş karde və votışe: terroristiyə hucumon Suriyə İrağ iyən dınyo mıxtəlif  vıronədə bə çandə həzo be qınoə insonon kışte bois bedə ki ım məsələ bois bedə ta terarizmi rişə arəku bardeyu beynəlxalğə səthədə bə ictimaiyyəton ciddiyə tədbiron təşkil bıkən.