Əlibadi:İron həmmişə iraği tərəfdar bə.
İraği 1 minnə vəzir İron İslam Respublikaş həmmə zəmanonədə iraği tərəfdarış zınə və votışe: de İŞİD terroristiyə qrupi canq kardeədə ironi bə irağ koməkon nibəznemon inkar karde.
Heydər Əlibadi zinə ironi mediyaonku qıləy heyəti vindımonədə İron İslam Respublikaş iraği dust və tərəfdarış zınə və 2 qılə məmləkəti əlağonış ğeymətin zınə.
iraği 1 minnə vəzir həmmə baxşonədə mincumlə mediyaiyə həmkarətionədə 2 qılə məmləkəti əlağon inkişafiku rozi mande və İron iyən iraği mediyaiyə həmkarətionro roziyətiyə sənədon imza kardeş məsləhət do.
ironi mediyaiyə heyət bə iraği jurnaliston ittifaği dəvəti əsosi zinə bə Bəğdad daxil bəy.
ironi mediyaiyə heyəti huzvon Heydər Əlibadi vindımonədə İŞİD terroristiyə qrupi işğaliku mosulı ozodətişon bə iraği millət və devlət təbrikış vote.
