Laricani:İ bə milləton təşkilati həğiğət pəydo əkə heyət bə Miyanma vəziyyəti diğğət bıdə.
İroni islamiyə şura məclisi rəis Miyanma mıslmonon ğətleam kardeş məhkum karde və İ bə milləton təşkilatiku tələbış karde həğiğəti pəydo kardeyu qıləy heyət bə ım məmləkət daxil bıbo ta çəy vəziyyəti barədə təhğiğ bıkən və təciliyə holətədə insondustə kəməkon bırosnon.
Miyanma silahlinə ğıvvon tojə hucum bə Miyanma ğərb Raxin ostani Rohinqiya mıslmonon avqosti 25 nə rujiku təşkil bə ki nəticədə 400 nəfər kıştə bən.
Miyanma devlət Rohinqiya 1 milyon mıslmoni ğeyre ğanoniyə muhacironku hisob vardə və bəvonro heç qılə şəhrvandəti həx nəzədə qətedə ni.
Bə İRNA zinə xəbon əsosi ironi islamiyə şura məclisi rəis Əli Laricani Miyanma məmləkətdə rohinqiya mıslmonon norohətəkə hadison ğətliam və əvoni təziği jiyədə ğəror doe iyən məcburiyə holətədə çandə 10 həzo qılə mıslmoni tojniyeku ıştə təəssufış elan karde və ıştə sıxanon dəvomədə əlavəş karde insonə həxon iddakardəkəson iyən bəzi devləton və beynəlxalğə təşkilaton tam jeədə ki əhəmmiyyət nıdoə holətədə bə ım dəhşətinə hadison nəzorət kardən insonə həxon ləğv karde hisub omedə.
Laricani bə həmmə devləton parlamenton beynəlxalğ iyə məntəğədə bə orqanon və təşkilaton məxsusən İ bə milləton təşkilat və islamiyə həmkarəti təşkilat məntəğədə əmniyyət və oroməti icodkardeyu və Miyanma məmləkətdə rohinqiya mıslmonə millətiku bə tərəfdarəti karde işarəş karde
