Zərif: beynəlxalğiyə təşkilaton bəbe Rohinqiya mısılmonon nəsli məhv karde vədə mane bıbun.
-
Miyanmaədə mısılmonon hıç curnə şahrvandəti həxi xıvand nin.
İroni xarıci vəzir çı umumdınyo iştimaiyətiku tələbış kardə ki Miyanmaədə Rohinqiyavıjə mısılmonon ğətliam karde vədə mane beyro cəhd bıkon.
Muhəmməd Cəvad Zərif ıştə tojə tuvitterədə təkidış kardə: dınyo milləton çəşi vədə Rohiqiyavıjə mısılmonon nəsli bırniye dəvom peydo karde barədə umumdınyo iştimaiyəti sukut iyən icozə doero hıç tocih və bəhonə ğəbul nibəbe.
İroni xarıci vəzir təsdiğ kardə: bəbe vey rə umumdınyo iştimaiyət bə Miyanmaədə bıə Rohinqiyavıjə mısılmonon himayədorəti karde xoto bə meydon varid bıbun.
Miyanma ğərbədə bıə Raxin ostani Rohinqiyavıjə mısılmonon nəsli məhv karde dəvomədə tojədən ım kişvəri hərbiyon 400 nəfər məzlum iyən bepənohə mısılmonon ğətliam kardeşone.
İ bıə Milləton Təşkilat həm elanış kardə ki Miyanmaədə bə Rohinqiyavıjə mısılmonon zidd dəvardə 2 haftə mıddətədə cinoyəton nəticəku 164 həzo Ruhinqiyavıjə mısılmonon bə Bənqladış avarə bıən.
Miyanmaədə mısılmonon hıç curnə şahrvandəti həxi xıvand nin.
