İroni ərteş qıləy bəyoniyədə Trampi bəyon bıə iddiyaon məhkumış kardə.

İroni ərteş qıləy bəyoniyədə Donald Trampi bə İroni Sepah təşkilati əleyh bəyyon bıə ittihamon məhkumış kardə.

Im bəyoniyədə bə İroni Sepah təşkilati be ehtıromtəti karde ijən ittihamon, bə İroni nizom be ehtıromtəti karde məno hisob bıə ijən bə İroni həmmə silohinə ğıvvon miyono vəhdət və i bemon təkid bıə.

İroni ərteş ıştə ım bəyoniyədə ğeydış kardə ki əqə bə nıbe bənə Sepah təşkilat ısət terrorizmi hevujəti və inkişof məntəğə həmmə kişvəronədə muşahidə əbi.

Bəyoniyə dəvomədə omə ki: İroni islamiyə nizomi ərteş və Sepah təşkilat i və vahidə vindemon çı İroni islamiyə nizomi aliyə simvolon peştədə bəmanden ijən çəyku mudafiə bəkan.

İroni intizamiyə ğıvvon həm qıləy bəyoniyə vasitə təsdiğış kardə ki Sepah təşkilati ğudrət və zumandəti, deşmənon dılədə larz icodış kardə ijən bə ım inğlabiyə təşkilati əleyh çı Amerkə deşmənçiyə hərəkəton məntəğədə Sepah təşkilati muvəffəğiyət iyən deşmənon məğlubiyəti nışonəy.

Im bəyoniyədə ğeyd bıə: bə İroni istiğlal, Əmniyyət, dini erj və ərazi təmamiyyəti oqəteyro İroni Sepah təşkilati muvəffəğiyət iyən zəhməton ısət bo har kəsiro oşko məlume ijən Sepah peştədə bıə milləti əğidə iyən himoyəon deşmənon plani məğlub bəkay.

Bə Xəbəon əsos Amerkə prezident, bə İroni əleyh tojə strateqiyaon elanış kardə və İroni Sepah təşkilati bə sanksiya siyahi dənoə xoto ıştə vindemoni elanış kardə.