Zərif:ironıjon həmmə"islamiyə inğilabi sepahe pasdaran" hestin.
İron İslam Respublika xarici koon vəzir trampı bə İron və islamiyə inğilabi sepahe pasdaranı zid deşmenə qəpon vədə reaksiyaş nışon do və votışe: ımruj ironıjon jen və merd pi vı cıvon həmmə qılə "islamiyə inğilabi sepahe pasdaran" hestin.
Muhəmməd Cəvad Zərif ıştə Tıvitter səhifədə nıvıştışe həmmə ironıjon de əzəmət və zumandəti ə kəson kənoədəy ki təcavuz və rettori vədə İron və məntəğəku mudafiyə kardən.
Amerkə president Donald Tramp cumə şəvi dıştə notəmiz və ğeyre həğiği iyən təkroriyə qəponədə bə ironi milləti zid nakonə bıhtononış tojədən bəyonış karde və ironi atom məsələ həl kardeyu İron və 5+1 qrupi mıştərəkə bərnamon əncum doeyu bə ğərardadi vədə ironi bəştə doə vədəon əməl kardeş təsdiğ nıkarde və ijən iddaş karde İron terarizmiku mudafiyə kardedə və islami inğilabi sepahe pasdaranış sanqsiyaon tojə siyahiədə ğərorış do.
ironi islamiyə inğilabi sepahe pasdaran İrağ və suriyədə de təkfiri və terroristiyə qrupon mubarizə bardeyu de ım məmləkəti rəsmiyə tələbon əsosi bəvon hərbiyə məsləhətış doə və Amerkə tərəfo mudafiyə bə terarizmədə mubarizə bardeyu muhimmə rolış bə.