Zərif:trampı notəmizə sıxanon bə ironi millət muğavimət təsir ənə ni.

İron İslam Respublika xarici koon vəzir 2 şanbə şəvi Cənubi afrikaədə bə ironıjon cəmədə votışe:Amerkə president Donald Trampı no təmizə sıxanon ironi milləti mudafiyə muğavimət iyən səbarzətiədə I zərrə həm təsir ənə ni.

Tramp cumə  oktiyabri 13 minnə ruji bə ironi milləti zid pesoxtə bə bıhtononış təkrar kardeədə İron İslam Respublikaş ki Suriyə və irağədə Vaşinqtonı tərəfo mudafiyə bə terroriston mubarizədə əsosə rolış heste terarizmiku bə tərəfdarəti karde məhkum kardə.

İroni məmləkət İrağ və suriyədə de terroristiyə qrupon mubarizə bardeyu ım məmləkəti rəsmiyə dəvəti əsosədə məsləhət doə koməkon bəvon təğdim kardə hərəkəti ki heç  qıləy holətədə Tramp çəyku rozi ni.

Bə İRNA xəbon əsosi Muhəmməd Cəvad Zərif eyne holədə ironi millətış İron İslam Respublika inkişaf və əmniyyəti  peştpurətiş zınə və votışe:islamiyə İron dəvardə 40 sori mıddətdə milləti  homoyəon xoto zınəşe həmmə təziğon təcavuzon iyən sanqsiyaonku de səbarzəti dəvarde.

ironi xarici koon vəziri işarəş karde ki İron İslam Respublika ıştə iğtidar  və ixtisadi iyən elmiyə inkişafonədə bə heç məmləkət vabəstə ni və ıştə sıxanon dəvomədə əlavəş karde məntəğədə heç qılə məmləkət ironi əmniyyətış ni.

Zərif bə Ərəbıston və çəy şərikon cinayəton yəmənı məmləkətdə işarəş karde və votışe:Səudiyyə Ərəbıstonı rejim de nati dollaron Amerkə hərbiyə silahon hıredə və dəvon yəmənı məzlumə milləti ğətliam kardə.

Bə yəmənı zid ərəbıstoni hərbiyə təcavuz ki Amerkə tərəfdarətiədə 2015 minnə sori martə manqiku təşkil bə desbə ısət 13 həzo nəfərisə ve bə yəmənıjə şəhrvandon kışte iyən bə çandə 10 həzo nəfəri yarəjə be  və milyonon yəmənıji avərə be iyən çı məmləkəti əsosə mərkəzon xərobə be bois bə.

İron İslam Respublika xarici koon vəzir 1 şanbə əsrə vaxti İron və Cənubi Afrika mıştərəkə ixtisadiyə həmkarətion 13 minnə iclosədə iştirak karde xoto iyən de ım məmləkəti rəsmi şəxson vindımon kardeyu bə Portoriya şə.