Pars Today

Imruj Səfə manqi 30 iyən Noyabri 19-nə ruje, bə Ğəməri təğvimi əsos bənə jığonə rujonədə çı Şiəyon 8-ə İmom Həzrəte Əli-İbne-Musə(ə) bə şəhodət rəsə.

İmom Rıza(ə) Hicri Ğəməri 148-nə sorədə Mədinə Şəhrədə moəku bıə ijən çı 203-nə sori Səfə manqi oxonə rujonədə bə şəhodət rəsə.

Şiəyon 8-ə İmomi jimon iyən İmoməti əsr, milləti bə Əhle Beyt(ə)-i xandani tərəf cəzb bey xoto vey muhimmə əsr be ijən çı Şiyə İmomon vırə və təsiron hevujətiku vey aliyə zəmon be.  

De həminə həğiğət iyən milləti dılədə İmom Rıza(ə) nıfuzi ziyod bey bərobər Əbbasi xəlifə Məmun dıştə xəbisə plani ə Həzrəti zəhrin və şəhidış kardə.

İroni mısılmonə millət zinə şəviku Huseyniyəon, məçidon iyən Məşhədədə bıə Əli-İbne-Musə(ə)-i pokə hərəmədə bə əzodorəti məşğulin.

Sıvoy Məşhədədə bə 2/5 milyon nezi zairon huzur xəbə omə ki Ğomədə Xanım Məsumə(s) pokə hərəm həm vey zairon ğəbulış kardə.

İroni Rəşti Tolışi Rədio tərəfo çı Şiəyon 8-ə İmom Həzrəte İmom Rıza(ə)-i şəhodətə ruji mınosibəti bə şımə Tolışon səbıəsəlomətəti ərz kardedəmon.