Zərif:İron Amerkə dastiku bə İ bə milləton təşkilati şikayət bəkay.
İroni xarici koon vəziri votışe:İron İslam Respublika İ bə milləton təşkilatdə Amerkə daimə nımayəndə Niki Heyli idda ki qoya İron bə yəmənı Ənsarullah silahış təhvil doə bə İ bə milləton təşkilat şikayət bəya.
Bə İRNA ımrujnə xəbon əsosi ironi xarici koon vəziri Muhəmməd Cəvad Zərif bə Sputnik nomo orosə aqentəti nıvıştə mesajədə elanış karde İslamiyə Respublika Amerkə tərəfo bəyon bıə iddaon zid bə İ bə milləton təşkilati şikayət bəkay.
İ bə milləton təşkilatdə Amerkə daimə nımayəndə Niki Heyli 5 şanbə ruji tikəy osıni kənoədə ki idda kardə be ironi soxtə bıə rəkete bə ironi zid tojə təbliğatinə nımayeşış bə ro dəğande.
Heyli vaşinqtonı tərəfo bə Ərəbıston ha cəhətə silah koməkonku ki yəmənı məzlomə milləti bombardımon kardeyu oko doə bedə heç qıləy işarəş nıkarde və ironış bə yəmənı Ənsarullah silah rusne və bə Ərriyad rəketinə hucumon təşkila kardeyu məhkumış karde.
İ bə milləton təşkilati sıxanəvoti muavin Fərhan Həğ Heyli ım iddaş rəd karde.
Səudiyyə Ərəbıston de Amerkə tərəfdarəti 2015 minnə sori martə manqiku bə yəmənı zid hərbiyə təcavuzış təşkil kardə və ım məmləkətış zəmin deyo və həvoku muhasirəş kardə.
