Siyonist rejim çı Miyonə Şərği sulh və stabiləti əsliyə təhdide.
İ Bıə Milləton təşkilatədə İroni nımoyəndəti qıləy bəyoniyədə bə İroni əleyh bıə Səudion və siyonist rejimi vahidə ittihamonış ım 2 qılə rejimi cinoyəton hədəfon barədə dınyo umum iştimaiyəti vindemoni munhərif karde zınəş be və təsdiğış kardə: siyonist rejim çı Miyonə Şərği sulhi və stabiləti təhdid əkə əsliyə amile.
Im bəyomiyədə təsdiğ bıə: İrono fobiya siyasi sayədə jıqonə pərişonə sıxənon həmonə rejimon tərəfo bəyon bedə ki xəyoliyə deşməni icod karde vasitə ıştə ğəşənq silohon həvote bo daemiyə işğal və təcavoz siyasi dəvom doero hejo ehtiyocişon heste.
Zınə Əmniyyət Şura iclosədə bıə Miyonə Şərğ və Fələstini barədə iclosədə ki bəbe Fələstini Ğəzzədə bə siyonist rejimi cinoyəton aid əbey əmmo qıləy iclos be ta Ərəbiston və siyonist rejimi rəsmion İroni bəsoxtə bıə ittihamon mıttəhəm bekon.
Bə İroni zidd jıqonə be əsos ittihamon qıləy şərayetədə bəyon bedə ki siyonist rejim çand haftə heste ji bə Fələstinıjon huccum karde sayədə əmələn etıroz aksiyaon vəy qətero de sənaperon vasitə cıvonə Fələstinıjon şəhid kardə.
Ərəbiston həm Yəmənədə ıştə sivə karnamə və cinoyəton məxfi kardero ısət vey faxti ujə oşko de siyonist rejim həmpeymon və həm sədo bıə.
