İ Bıə Milləton Təşkilat: Ğəzzə mıhosirə bəpe ləğv bıbu.
Miyonə Şərğ koonədə İ Bıə Milləton Təşkilati həmohənqəkə zinə şəv tələbış kardə ki Ğəzzə tanqə mıhosirə ləğv bıbu.
Sionist rejim 2006-nə soriku iyən parlemantiyə səçınonədə Fələstini İslamiyə Mığoviməti Hərəkəti(HƏMAS) ğələbə bəpeştə, Ğəzzə tanğə mıhosirəş karde və muhimmə molon əcumlə sutemon, ğəzo, dəvo və inşooti məterialon bə ım məntəğə varid bey vəy ğətəşone.
Bə Əlaləm raporti əsos, Ğəzzədə Nikolay Meladinov ım məntəğə vəzyəti fəlokətin vəsfış karde və votışe: Ğəzzə millət de veyə mışkuloni əcumlə bərğ və salimə ovi kəm ome dim bə dimin.
Miyonə Şərğ koonədə İ Bıə Milləton Təşkilati həmohənqəkə ijən Ğəzzə tanqə əhali sulhpərvərə aksiyaku himoyətış kardə və sionist rejimi snaperonku tələb kardeşe ki bə Fələstinıjə hırdənon həmlə nıkon.
"Oqətə həx" sulhpərəvərə aksiya dəvardə Marti 30ku Ğəzzə tanqədə "zəmin ruji" mınosibəti bino bıə və ijən didomə peydo kardedə.
Marti 30ku ta ım zəmon 146 nəfəriku ve Fələstinıj əcumlə 19 hırdən ım aksiyaədə İsraili hərbion qullə ğande vositə şəhid və 16 həzo nəfər zəxmin bıən.
Bə 2 həzo nəfər nezi hırdən və həzo-həzo jen zəxmiyon bıən.
Veyni kişvəronku əcumlə İron İslam Respublika və beynəl xalğiyə təşkilaton ta ım zəmon, siyoniston ım cinoyəton məhkum kardəşone.
Fələstinıjon aksiya, zəmin ruji sorqərışədə ım məsələ bə yod varde ki 1976-nə sori Marti 30ədə Fələstinıjon ərazi, sionist rejimi vositə mısodirə bıə və ım reaksiya hər sornə bərpo be.
İsrail rejimi Fələstiniyon ərazi mısodirə kardə və çəy dılədə sionisti şəhrəkon təsis kardedə ijən meylışon be ki Fələstini məntəğəon coğrafiyə əvəz bıkən ta bə məntəğəon sionist simo bıdən ta Fələstini məntəğəonədə ıştə sultə təsbit bıkən.
