Suriyə barədə İron, Rusiyə və Tırkiyə xarıci vəziron mıştərəkə bəyoniyə.
İron İslam Respublika, Rusiyə və Tırkiyə xarıci vəziron Cenevrə iclosədə, qıləy mıştərəkə bəyoniyədə bə Suriyə mıstəğıləti və ərazi təmomiyyət təkid kardeşone.
İroni xarıci vəzir, Muhəmməd Cəvad Zərif, Rusiyə xarıci vəzir Serqey Lavrov və Tırkiyə xarıci vəzir Movlud Çavoş Oğlo bənə çı Astanə muzakirəon qarantiyaəkə zinə Cenevrədə 3 tərəfi iyən məşvərəti iclosi de Suriyə koonədə bıə İ Bıə Milləton Təşkilati rəisi məxsusə nəmayəndə Estefan Demistora huzuri bərpo kardeşone.
3 qılə kişvəron xarıci vəziron çı Suriyə konstitusiyə komitə tərkibi barədə de Suri tərəfon ıştə məşvərəti mısbətə nəticəon iyən muzakirəon ım iclosədə edaşteşone.
Im 3 qılə kişvər ijən ıştə iradəon çı konstitusiyə komitə fəaliyəti bino hoston kadey xoto stratejik prinsipon şərh doe royku elan kardeşone ta de Suriyə qurupon və Suriyə koonədə bıə İ Bıə Milləton Təşkilati nımoyəndə tərəfon həmkarion sayədə koon çərçiv çı komitə əsərin iyən stabilə fəaliyəti qarantiya karde xoto tərtib bıbu.
Əvon təsdiğ kardeşone ki konstisusiyə komitə fəaliyət bəpe de təəsirinə iştiroki və sulh, iyən həmkarəti atmosferədə əncom ta uzvon miyono kulli təvafuğ imzo bıbu jəğo ki çı nəticəon karde bızno Suriyə milləti əksəriyət himoyədorətion bəştə tərəf cəlb bıkə.
Im iclosədə iştirokəkəyon ijən təvafuğ kardeşone bo miladi vəomə sori sıftənə manqon Cenevədə konstitusiyə komitə i minə iclosi bərpo karde xoto cəhd bıkan.
