Netanyahu: Amerkə bə atom sazişi oqardey əməni niqəron bəkarde.
İron və ətom sazışi barədə Amerkə nəzəon elan beyku çand saət dəvardey bəpeşt sionist rejimi iminnə vəzirəti aparati elanış karde ki atom muğavilə barədə israili nəzə əvəz bə ni.
Bə Fars aqentiyəti raporti əsos, Netanyahu aparati idarə sıxanəvot iddioş karde ki israil bə İron atom silahon bə dast vardey icozə ni bədoy iyən çəmə nəzə həminə sazışi barədə əvəz bə ni.
sionist rejimi iminnə vəzir iddioş karde ki bə atom sazışi oqarde bo atom silahon soxteyro İroni vədə bıə maneon pebəqəte.
Amerkə xarıci vəzarətxonə tojədən de bəyoniyə vositə elanış karde ki de Avropa təklifon bərobər, Vaşinqton ğəbulış kardə ki İroni atom muğavilə qıləy mıştərəkə iclosədə işterok ko, Baydeni dıvləti ın ğərol sioniston vey norohət və niqəronış karde.
İ bıə milləton təşkilatədə bıə Amerkə nımoyəndəti həm de məktubi vositə Amerkə nakonə dıvləti tərəfo təlbon ki anti İron sanksiyaon sənibəton oqordoniye şomil bıdə be ləğvış karde.
