Beytul-Muğəddəsədə daveon şiddətin bey, şərifə Ğuds çı sionistə hərbion muhasirədəy.
sioniston de bə Məçidul-Əğsa hucum barde və nımuj votə kəson hədəf ğəror doe, çand sa nəfəri zəxmin kardışone.
Bə Əlməyadin raporti əsos, Məçidul-Əğsa səhnon, ımrujnə ruji sıbə faxtədə ijən işğalçiyə yəhudionku himoyədorəti karde xoto, sionistə hərbiçion tərəfo işğal bıə.
Bə həminə raporti əsos, çandə nımujvotəkəs, məçidi muxtəlif səhnonədə cəm bıən ta sioniston bə məçiti varid bey vədə mane bıbun, co tərəf işğalçiyon həm bo nımujvotəkəson co kardeyro ars rukardə ğaz, audio bomba iyən rezin qulləonku istifodə kardən və Məçidul-Əğsa muğaddəsə vırə muhasirədə oqətəşone.
Zinə şəv həm, Şərği Ğudədə bıə Şeyx Cərah məhəllədə sioniston bə Fələstinıjon həmlə karde nəticədə 14 nəfər fələstinıj zəxmin bıən.
Məçidul-Əğsa səhnon və çəy ətrofədə bıə məntəğəon xususi Babol-Amud məntəğədə dəvardə rujonku anti sionist eretozon dəvoniye muşahidə kardənine ki çəy nəticədə çandə Fələstinıj zəxmin və şəhid bıən.
