Məçidul-Əğsa Ğıbonə idi nımojədə Fələstinıjon hevujə iştirok.
Çan da həzo nəfər Fələstinıj ımruj dıştə əzəmətinə iştiroki Məçidul-Əğsa Ğıbonə idi nımojədə ıştəniku zumandə hozzıəti nışo doşone.
Imruj şənbə, Ərəbiston iyən kali ərəbi kişvəron Ğıbonə idə ruje.
Bə Şəhab Niyoz Fələstiniyə sayti raporti əsos, ımruj sıb Ğıbonə idə ruji mərosimədə, Məçidul-Əğsaədə Ğuds muxtəlifə məntəğəonku, Fələstini millət ım mərosimədə iştirokışon kardə.
Im mərosim İşğal bıə Ğudsədə de sionist rejimi şiddətinə mane bey iyən hərbi tədbiron icod kardey vıcudi bərpo bıə.
Fələstini mənbəon ijən xəbəşon do, Fələstini muxtəlifə şəhronədə əcumlə 1948 minnə sori işğaliyə əraziədə, Ğıbonə idə nımoj votey hevujə mərosim bərpo bıə.
Əlovə kəmon ki dəvardə soronədə, həmişə sionist rejim cəhdış be ki Fələstini milləti miyono vəhdəti məhv ko iyən ıştə muhimmə hədəfon icra ko.
Qıləy holədə ki ım kişvərədə siyasi qrupon iyən Fələstini millət, sionist rejimi əks, və ğuds və Məçidul-Əğsa mehvəri çərçivədə, de vəhdət icod kardey vositə, karde zınəşone bə sionist rejimi vey ğoym və əzobinə zərbəon vari ko.
