Bəğdad, islomi həmkoəti təşkiloti zəruriyə iclosi mizbonəti dumoədəy
İrağ xəbəş do ki ım kişvər tələbış kardə Bəğdadədə islomi həmkoəti təşkiloti zəruriyə iclosiro mizbon bıbu.
İsveçi apellyasiyə məhkəmə polisi bo Ğıroni sutuneyro təşkil kardə nımoyişi ğədəğən kardey ləğviku dı haftə bədiqə polis çoşanbə ruji çı mısılmınon Ğıbonə idi zəmonədə bə nımoyişi təşkilotçiyon Ğıroniı nusxə sutuney nımoyişi icozəş doə.
Momika çımiku bpeçt ki anti islomi aksiyaro İsveçi polis icozəş do, ım cinoyəti əncomış do.
Bə Vae nomo İraği aqentiyəti raporti əsos, İraği xarıci vəzorətxonə sıxənəvot Əhməd llsəhaf votışe: ım kişvər qıləy rəsmiyə tələbi ğolibədə bə islomi həmkoəti təşkiloti sərkatib doəşe və bəvədə ım iclosiku tələbış kardə ki Bəğdadədə ım təşkiloti zəruriyə iclos bərpo bıbu və ım iclosi hədəf həm İsveçədə Kərimə Ğıroni otəş jəey və be ehtıroməti kardey təğib bıbu.
İraği xarıci vəzorətxonə bəştə kişvəri nəzə ki de dave icodəkə hərəkəton be hərəkət kardey və de islomofobiya hərəkəton mubarizə kardeye, təkidış kardə.
Dəvardə soronədə kali Avropa kişvəron xususi Skandinavi baxədə kişvəron səmtiku bə mısılmonon muğəddəsə çiyon be ehtıroməti kardey şoyd bimon ki ım hərəkəton de Ərəbi iyən İslomi kişvəron vositə de şiddətin məhkum bıə be və həmmə kişvəron tələbışon be ki de İslomofobiya hərəkəton vəy bıqəton.
