İroni xarıci vəzir: Ğəzzədə israil rejimi ğeyri insoni rəftor, DAEŞ-i zotış heste
De "Fələstini işğol bıə sərzəminonədə insoni həxon vəziyət, insoni həxon qlobal eloniyə və beynəlxalğə dustanə bəşər həxon" mevzu vəziron ali iclosədə, İroni xarıci vəzir Huseyn Əmirəbdullahiyan de kali muxtəlifə kişvəron xarıci vəziron iştiroki, Ğəzzə tanqədə və ğərbi sahilədə insoni niqəronəkə şəroyet və fələstini behroniyə şəroyeti barədə İroni vindemonon və nəzəon bəyonış kardə.
İroni xarıci vəzir Ğəzzə tanqədə bə Fələstini milləti ələyh sionist rejimi oxonə hərəkəton be şək etosniye və canqi cinoyət zınəşe.
Əmirəbdullahiyan ijən Ğərbi sahilədə ım rejimi cinoyəton oqətey və humanitarə koməkon vığandey, beynəlxalğ ictima , İ Bıə Milləton Təşkilat və İ Bıə Milləton Təşkilati əmniyyət şura təcili vəzifə elanış kardə.
İroni diplomatiya təşkilati sədr, ijən Ğəzzə tanqədə bə Fələstini əsiri şahrvandon israil rejimi ğeyri insoni rəftoronku bənə israil rejimi DAEŞ-i zoti nışonə və nımunə yodış kardə.
Əmirəbdullahiyan ijən təkidış kardə ki Ğəzzə tanqədə bə Fələstini şahrvandon ələyh israili apartayd rejimi vəhşiyə həmləon oqəteyro təcili hərəkəton əncom nıdoey bois bəbe ki məntəğədə canq hevuj və vey bıbu.
