Ərvənd nomo ruədə İron və İraği dıyo mıştərəkə manevr
Zinə Şənbə, bə muğavməti cəhbə sərdoron(Şəhidon Suleymani və Əbu-Muhəndes) şəhodəti 4minnə sorəqardışi yolqətey xoto, İraği hərbiçion və İroni Sepah təşkilati miyono mıştərəkə dıyo manevr bərpo bıə.
Miladi 2020 minnə sori, Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani qıləy holədə ki de İraği rəsmi şəxson dəvəti bə ım məmləkət səfərış kardə be, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi şəhid be.
Im hodisədə İraği milləti bəsic(Həşdu-Şəbi) nakonə komandir Əbu Məhdi Əlmuhəndes iyən 8 nəfər co mubarizə əkə de ım 2 qılə komandiri bə ico şəhid bıən.
Bə İran Peres aqentiyəti raporti əsos, tojə dəvoniyə bıə dıyo manevrədə ki de İslomi İnğilobi Sepah təşkilati dıyo 3minnə məntəğə ğıvvon və İraği milləti bəsic(Həşdul Şəebi) həmohənqi bərpo bıə, 313 qılə kəşti iştirokışon be.
İron və İraği həminə mərdumi mıştərəkə manevrədə, İslomi İnğilobi Sepah təşkilati dıyo 3minnə məntəğə komandir, Xuzıstonədə bıə vəli fəğih nımoyəndə, Xuzıstani ostandar, ım ostani kali rəsmi şəxon və İron iyən İraği tuyfəon yolon iştirokışon be.
