Bə xıdməti şəhidi jimoni qıləy nəzə
Bə xıdməti şəhidi jimoni qıləy nəzə
Mı həm bəşmə xıdmət səlom ərz kardedəm iyən bə İslomi İroni milləti aziz iyən milli prezdenti şəhodəti xoto təsliyyət votedəmon iyən şəməku dəvət kardedəmon deəmə bə ico bımandənən.
Əv,ıştə ibtidoyi təhsilış Cəvadiyyə məktəbədəş dəvordınəşbe iyən ıştə hovzəvi elmon təhsilış Nəvvabi mədrəsədə və peso Ayətullah Musəvinejadi mədrəsədə binoş kardəbe.Həşi 1354-ədə boştə hovzəvi elmon təhsiliro bə Ğomi mığəddəsə şəhr şe və əyo həm bə Ayətullah Burucerdi mədrəsə şe.i mıddət həm çe İmom Xomeyni(r) nəzorəti jiyədə bıə iyən de Ayətullah Pəsəndidə idorə bıə qıləy mədrəsədə təhsilış karde.
İslomi İnğılobi səbarzəti bəpeşt Əv,çe Şəhid Beheşti bo İslomi sistemi idorəçəti ehtiyocon təmin kardero bıə kadr soxtey cəhətədə bərpo kardə xususi tərbiyə iyən perosniye devrədə iştirokış karde və çe marksiston isyon iyən Məscidi Suleymoni muşkiloton icod bey bədiqə,çe mədəni fəoliyyəton ğəlibədə de i dastə dini tələbəon bə ico bə həmonə vırə şe.çe Məscidi Suleymoniku oqardey bədiqə Şahrudi şəhrədə siyasi-ideoloji sıfr-dı təhsil kampi kompleksış təsis karde və qıləy kırtə mıddətədə həmonə vırəş idorə karsde.
Buzurquvarə həmzıvonon,Ayətullah Rəyisi bə iodərçəti ərsə daxil bıey.Həşi 1359-ə soriku iyən de Kərəci şəhrıstoni prokurorəti vırədə huzur iyən iştiroki binoş karde iyən peşo i mıddət de Şəhid Ğuddusi hukmi bə Kərəci prokurori məğami səçın be.çəy bın şəhrədə bıə mırəkkəbə vəzyəti bə səhmon dənoey mevğıyyət səbəb be ki,dı sori bədiqə Həşi 1361-ə sori de Kərəci şəhrıstoni prokurori məğamiku əlovə,çe Həmədoni şəhri prokurorəti məğamışon həm bəçəy ehdə noşone.çəy həmzəmon dıqlə məsuliyyəti bəştə ehdə peqətey,bo qıləy mıddəti dəvomış pəydo karde tayinki, Əv,bənə Həmədoni şəhri prokurori unvoni təsdığ kardey be və Həşi 1361-1363-ə soron bın postədə xıdmətış karde.
Ayətullah Rəyisi Həşi 1364-ə sori bənə Tehroni İnğılob Prokurori mıovini unvoni vıjniyə be və de ın tərtibi çəy Tehroni Məhkəmə sistemədə bıə idoərçəti devrə iyən fəoliyyət bino be.
