Yəmənı silahlinə ğıvvon Səna ostanədə bə Ərəbıstonı muzdoron tərəf rəketışon ğande.
Nov 14, 2017 13:19 Asia/Tehran
Yəmənı silahlinə ğıvvon iyən çı məmləkəti milləti tərəfo təşkil bə komitə uzvon de qıləy rəketi Səna 9 nə baxşədə bə ərəbıstonı muzdoron tərəf hucumışon barde ki təcavuzkaronku çandə nəfər bə həlokət rəsedən.
Təsnim aqentəti bə Əlmənar nəğli əsosi xəbəş do yəmənı silahlinə ğıvvon iyən mubarizəəkon bə Səudiyyə Ərəbıstonı cinayəton cəvob doeyu qıləy əməliyatdə çı məmləkəti şimal hissədə Əlcuf ostani Əlğil şəhrədə təcavuzkarə ğıvvonku çandə nəfəri bə həlokət rosnedən və xəylion həm yarəjə kardən.
coqlə xəbə həm ıme ki ərəbıstonı cənub hissə Cizan ostanədə bə səudion Əlkərəs iyən Əlxəşəl nomo bıə hərbiyə mərkəzon de artileriya hucum bardən.
