Rəcəti mevzu
Rəcəti mevzu
Səlom Xosə duston…İslomi azizə pəyğombəri(s) iyən sayir imomon(ə) rəcət və səbarzəti və`də həxədə sehbət kardedəmon.qıləy və`də ki,mıtləğə şikilədə muhəğğəğ iyən real bəbe.çunki, Kərimə-Ğıronədə handedəmon ki,”və yəovmə nəhşuru kull….yəni”Əmə çe har qıləy ummətiku i dastə bəyji(rost)bəkardemon”.ın ayə bə ğıyoməti nozir ni.çunki,ğıyoməti ruji həmmə kəson bəyji iyən rost kardey bəbeyn,nəyinki,çe har qıləy ummətiku i dastə.ğıyoməti ruj qıləy qıləy zəmone ki,həmmə rufon bəştə cəsədon obəqardeyn.əmmo rəc`ətədə fəğət çe mərdumiku iqlə qrup bəştə cismon obəqardeyn.əvon de Xıdovəndi izni obəqardeyn ta ıştə ləyoğətışon bıə çiyon ğəbul bıkon.iqlə qrup dınyoədə çe həmməysə komil iyən çokə jimoni ləyoğətışon heste və çəvon ın ləyoğətışon heste ki,qıləy komilə camiyədə iyən çe qıləy komilə insoni əmri jiyədə ıştə rufi bə təkamuli səmt bırosno və coqlə dastə bə həmməysə yavə əzobon dıço bey ləyoğətışon heste…
Azizə duston,dınyo nizom bə qıləy ruji səmt hərəkət kardedə ki,həmonə ruji İlahi ğudrəti nışonəon komilə şikilədə zohir bəbe.həmonə ruji mərdumiku i dastə ki,çandə veyə soron bənav çe dınyoku şeyən və çe Xıdo dustonin və coqlə qrup həm ki,çəy dışmenonin,bəyji kardey bəbeyn və çe həxı de botıli miyono coəti bo həmmə kəson oşko bəbe.ın və`də qıləy həxə və`dəy.həmonə ruj qıləy ruje ki,İmom Məhdi(əc) ğıyom bəkarde və deəy həzrəte İsa-Məsih(ə),həzrəte Əli(ə), həzrəte Huseyn(ə) iyən çə həzrəti əshobon obəqardeyn.İmom Huseyn(ə) ki,əmə Kərbəloədə zınemone iyən İsa-Məsih(ə) ki,əmə İncil iyən Kərimə-Ğıronədə handedəmon ki,ə həzrət bə dınyo obəqarde ta bə kom kəsi koməqiro bəşe?aya əvon bə tuğyonqər,sıtəmkor iyən fironon koməqi səmt bəşeyn?aya əvon çe cinoyətkorə ğatilon hami bəbeyn ki,çandə milyon insonon xuni rukardedən və ta bə dınyo nat,pul iyən sərmoyəon malik bıbon.aya İsa(ə),Huseyn(ə) iyən İmom Məhdi(əc) bomeyn ta bə işğalqər iyən təcavuzkorə israyli rejimi koməq bıkon?. yaanki,əvon bomeyn ta çoko ki,çımi bənav əvon tevsiyə iyən əməl kardedəbin,bə de tuğyonqərə yəhudiyon canqi səmt bəşeyn və çı Xıdo dini hukmon icro bəkardeyn?.aya çı İsra mıborəkə surə sıftənə şərifə ayəonədə handəmon ni ki,Xıdovəndi bə Bəni-İrayili ğovmi jıqoş hamye:”şımə dı kərə zəmini peyo tuğyon bəkardiyon iyən çunki,iminə intiğomi və`də zəmon rəse,ıştə canqəvərə bandəonku iqlə dastə bəşmə ələyh rost bəkardemon ta şıməni de saxtə şikili bəyənde bıjəno…və qıləy zəmon ki,dıminə əzobi və`də zəmon ome rəse,jıqo dışmenon bəşmə ələyh ğəddor bəbeyn ki,çe ğəm iyən kədəri əsəron şımə çehrəonədə zohir bəbe və əvon bə Məscidul-Əğsa daxil bəbeyn.çoko ki,iminə dəfə daxil bin və şımə ıştə sultə jiyədə ğərol doə çiyon bəyənde bəjəne və məhf bəkarde”….
Azizə həmzıvonon!çandə əsr bənav pəyğombər(s) iyən şiyə imomon(ə) bəştə duston çe rəcəti və`dəşon doə ta çəvon ğəlbon orom bıbon.ımruj çəmə dılon bəçəmə fəxri səbəb bıə çəmə dini bıvə bıə Seyd Həsən Nəsrullah çe dasto doey xoto,çı təzyiği jiyədəy.əmmo həmonə Seyd Həsən Nəsrullah bəmə çerəcəti və`dəş doə.çe zuhuri və`də.Əv,deştə dayimiyə ləhn iyən toni bəməş vote:”əmə bə və`də doə bıə zəmoni nez beydəmon.bə qıləy zəmoni ki,İlahi fırsəte,nez beydəmon. bə qıləy hodisəon nez beydəmon ki,vistminə iyən vistı iminə əsrədə bino bıə.çımı bıvon iyən hovon!Məhdi(əc) iyən İsa-Məsih(ə),bomeyn.qıləy ayəndədə ki,ısət pemə holədəy iyən əmə oxorızzəmonədə sıtəm vində həmonə millətimon və zıneydəmon çın canq iyən mıborizəon oxo, qıləy çokə oxoye.bəmə vocibe ki,çəmə qıləy umu,səbr iyən yəğınımon bıbu və əmə çe həyğiyə mıntəzironku bıbəmon.”..
Hizbullah,Xıdo hizb və dastə səbarze nə nəsrullah iyən Xıdo koməq neze……
