Əbədiyə ətr

Əbədiyə ətr

Bə Rəməzonə mo “Mıborəki” nomışon noə.çın manqi mıborək bey dəlil,ıme ki,əv,çe otəşiku xilosi iyən bə vəhışti feyzi rəsey royeki,çe Rəməzoni mo ruji dıvoədə (handedəmon:)və haza şəhrul-itği minənnari vəl-fəovzi bilcənnəti.ilahi otəş iyən duzəx və həmçinin İlahi vəhışt iyən Nəyim,həmonə bın dınyoədə mevcude.axırəti ləzzət baxşeyədə real bıə çiyon,həmonə çi botıne ki,iyoe.”Və innə cəhənnəmə ləmuhit...cəhəndım həmonə vırədə,həmonə ləzzət baxşeyədə, həmonə jimonədə,kofiron, zolımon, dışmenon iyən mıxolifon əhotə kardedə.vəhışt həm həmonə formədəy.

Isət əmə çe cəhəndımiku bə vəhışt bəşemon,çəmə ıştən dastədəy.hejo iyo real beydə və bə həyğət rəseydə və çəy eyni və botıni surət və çəy həyğət həmonə əzzət baxşeyədə bəçəş çiyedə.əmə ın səfə kardey bəzınemon,ın çe yavə rəftori cəhəndımiku,bədə dılə duzəxiku,çın duzəxiku ki,çın dınyo mole,bə çokə əmələ vəhışti,çokə fikə vəhışti,və bə çokə rəftorə vəhışti iyən bə çokə xıslətə vəhışti əncom bıdəmon.çın hərəkəti nom inobəy,tobəy.liza dıvoədə vorid bıə:”Və haza şəhrut-təvbə”de inobə,de tobə,çe nari(cəhəndımiku)ozodəti və bə cənnəti fovzi hosil beydə.....

Çəmə məzhəbi ədəbiyyotədə Rəməzonə mo çe şəyton iyən şəytonə rəftoron de mıbroizə bardey i tərəfiku və co tərəfiku Rəhmoni rəftoron,itoət iyən ibodət mevcude.votey beydə ki, şəyton Rəməzonə moədə bə zəncir jey beydə-ın i tərəfiku və votey beydə ki,Rəməzonə mo çe itoət iyən ubuduiyyəti  moye ki,həmməysə vey kutoə kəlmə,həmməysə veyə mənoə kəlmə,təğvo kəlməy: Kutibə ələykumus-siyam...məsələ,çe şəytoni de təğvo mıborizəy.şe şəytoni ko iğvo kardeye. Iğvo yəni çi? Yəni şımə mıhosibə aparatonədə qıləy xələl icod kardey-şəyton ıme.şımə coqlə mığobil noxtə çe təğvo funksiyəy.çe şəytoni səy ıme ki,şıməni iğvo bıko.yəni çe ağli aparati,çe fıtrəti aparati,çe səhihə mığoyisə aparati ki,çe insoni vucudədə noey bıə,çe funksiyə iyən koyku eğando.yəni insoni mıhosibədə bə xəto iyən səhfi dıçoko.çe təğvo ko mığobil noxtəy:İn təttəğullah...təğvo bəşmə furğoni yəni bo həxı çe botıliku co kardey aqahəti doydə.coqlə şərifə ayədə jıqo hamyedə:Vəttəğullah...təğvo bımi boyis beydə ki,Mıtəolə-Xıdo çe elmi,çe aqahəti və çe zıney bəon bəşmə dimi oj kardedə.....

Dıminə dıvo çe mıborəkə mo harujnə dıvoye.bın dıvoədə jıqo ərz kardedə:”Və əzhib ənni... Xıdolim ha! Mıni çın xıslət iyən xosyətonku bəkəno bıkə.həmonə xosyəton ımonin:əvvəl ”Ənnuas”-hanvə qətey..dıvvom:”Əlkəsəl” yəni həmonə kıvoləti və tanbələti.sevvom: ”Əssamə” məlul bey iyən dıltanqəti...qıləy çiyku oqıney,bezo bey.peşo:Əlğə.....yənisəhlənkoəti,koon de səhlənkoəti dəvordıney.koonədə bə mehkməti və istehkomi rioyət nıkardey.peşo həm:”Əlğəsvə”-saxtə dıləti, sığə dıləti,elastikəti nıbey.və peşo:”Əlğəflə”-ğafil bey iyən ıştə mevğıyyətiku qic bey və çiçış heste dəvardedə və çəmə vədə bıə çiyon və çəmə ətrofədə bıə çiyon.və oxonə qıləyni həm: ”Əlğirrəy”-yəni bə dast eqıney,məğrur bey,bə dast dəğandey.mıni çımonku bərhəzər bıkə, bıvindənən ımon həmmə dərsonin.çok,çın məfhumon funksiyə -ki,vey ali iyən barzə məfhumonin-bo məsul şəxson və bo ....bəsə addi iyən məmuliyə fərdon barədə xeyli muhimme...

Rəməzoni mıborəkə mo bərəkətonku qıləyni bın manqədə vorid bıə dıvoonin.ın iddiyo,həm de Xıdo sıxan kardey keyfiyyəti və çe pərvərdıqoriku koməq tələb kardey iyən bə Xıdo dığğət kardey keyfiyyəti keyfiyyəti bəmə omuteydə və təlim doydə və həmən ziyodə maarifon ki,çəy misli inson hətto əxloği ənənəvi rəvoyətonədə həm pəydo kardey zıneydəni,bəmə təlim doydə.iqlə dıvo,çe Rəməzoni mıborəkə mo iminə ruji dıvoye ki,mı çın dıvoku,ın fəğər və baxşım intixobım kardə:”Allahumməcəlna.....seqlə cumləy.iminə cumlə ərz kardedə:”Allahumməc-əlna.... Pərvərdıqor ha! əməni çə kəsonku ğərol bıdə ki,de niyyəti.de ğəsdi və de mərıfəti əməl əncom doydən.hədəfinə əməl,de niyyəti bə ico bıə əməl.qıləy əməl ki,çe naviku məlume ki,kom cəhətədə iyən bə bə kom səmt qıləy məğsədış heste.dıminə cumlə:”Vəla cəəlna ...əməni çə siyoəbəxtonku ğərol mədə ki,bə tanbələti iyən kıvoləti dıço bıən.kəsolət yəni tanbələti.yəni kıvoləti.əməni çımonku ğərol mədə.dıvo ımoni bəmə təlim doydə.seminə cumlə:Vəla mimmən... əməni çə kəsonku ğərol mədə ki,çəvon təkyəco ğərəz əməli co çiye.nıştey iyən oruzu kardey veyə sıxan kardey və iclosonədə mətləbon boftey,hiç qıləy əməl nıbə holədə.çımonku əməni ğərol mədə. bıvindənən,bın dıvoədə mevcud bıə dərs ımonin.mumin çe Rəməzoni mıborəkə mo iminə ruji de ın nəfəsi bə ın İlahi ziyofəti daxil beydə.ım ıştən çın mehmonəti və zoyofəti dıjdə mayidə iyən sufrəonkuye.