Əbədiyə ətr

Əbədiyə ətr

Harçand bın mıborizədə har qıləy həlol iyən ğanuni imkononku bəhrə bardey icozənine iyən min cumlə qlobal səviyyədə bıə himoyəon,əmmo de təkidi bəpe bə ğərbi devləton etımod kardey və həmçinin dınyo iştimoiyyət zohirən ya botınən bəvon vobastətiku pərhiz kardey lozıme.əvon de İslomi har qıləy təsirinə mevcudiyyəti dışmenin.əvon bə milləton iyən insonon həxon be etinon.əvon ıştən bə İslomi umməti varid bıə xəsorəton  iyən cinoyəton veyni amilonin.ısət  həm kom qılə qlobal onemonon ya kom cinoyətkorə ğudrət bə çandə qılə İslomi iyən ərəbi kişfəronədə bıə terroron,ğətlı-amon, canqon, bombaranon iyən suni surətədə bıə ğəhətiyon cəvobdehəti kardedən?.

Imruj dınyo iqlə bə iqlə çe Korona ğıboniyon ədəd dınyo qırd vıronədə aşmardedə.əmmo hiçkəsi dəparəsəşni iyən dəparsedəni ğatil iyən çandə sa həzo şəhid,əsir iyən qim eqıniyə kəson ə kişfəronədə ki,amerkə iyən avropə bəvədə canqi otəşi vəşnə iyən pekardə kəs kiye?. Əfğanıston,Yəmən,Liviyə,İrağ,Suriyə iyən co qırd ın ru kardə bıə xunon məsul şəxs kiye?. Fələstinədə ın həmmə cinoyəton,zılmon,ğəsbon iyən təxribon məsul şəxs kiye?.çıro hiç kəs İslomi dınyoədə ın çandə milyon məzlumə hırdən,jenı-merdon aşmardəş ni?.boçi ikəs çe mısılmınon ğətlı-am bey təsliyyət votedəni?.çıro çandə milyon fələstınıj bəpe hafto sor ıştə kə-bəonku bə diyəro iyən cəlaye-vətən bıbon?.və boçi bə Şərifə Ğuds bə mısılmınon iminə ğıblə ihonət kardey bıbu?.çoko bəvoteyn İMT bəştə vəzifəon əməl kardedəni iyən çoko bəvoteyn bəşəri həxon onemonon mardən.”hırdən iyən jenon həxonku mıdofiyə”şuor bə Yəmən iyən Fələstini jen-hırdənon şomil beydəni.jıqoye.ğərbi zolımə ğudrəton iyən dınyo vobastə iştimoiyyəton vəzyət...    

Fələstini cıvonoon ımruj ıştə kəroməton mıdofiyə dumon.Həmas iyən İslomi cihod Fələstinədə iyən livanədə Hizbullah huccətışon bə həmmə kəson təmom kardəşone.dınyo çe viroş bekardəni iyən nibebəkarde həmonə ruji ki,sehyonist rejimi ləşkər Livani marzonış darışte və tosə Beyruti bənav omin iyən bə ruji ki,aryel şaron nomo qıləy cinoyətkorə ğatil Səbra iyən Şətiladə xunə həmomışon bə ro dəğande və həmçinin viroşon bekardəni iyən nibebəkaredyn həmonə ruji ki, həmonə ləşkər çe Hizbullah zumandə zərbəon jiyədə ğərəz ımi co çorəş nıvinde ki,de ziyodə tələfoton çe Livani marzonku bə dumo pekırin iyən bo otəşvəsiro lovə kardedəbin.dasti purəti iyən ğudrəti mevğey ıme.ısət bəhaşt fulon avropə devlət bəpe bə səddami kimyəvi maddəon həvatey xoto xəcolət bıkəşon ki,səbarzə mıcohidə Hizbullah ğeyri-ğanuni bızınon.ğeyri-ğanuni bənə amerkə qıləy rejimi misli ki,daeş istehsol kardedən və bənə avropə devləton misliye ki, çandə həzo nəfərış İroni Banə iyən İraği Hələbçədə bə kimyəvi maddəon təsiri xoto bə maqi səmt bardəşe....

Çəmə buzurquvorə İmom Xomeyni(r) de bəştə usulon rioyət kardey bərəkəti beki,İnğılobış bə səbarzətiş rosne iyən İnğılobış nığo doe və bə İslomi Respublikəş stabilətiş baxş karde.ım bə prinsipon iyən usulon rioyət kardey be.usulonku qıləyni “Əşiddau ələl kuffori ruhəmau bəynəhum”-e.əmə de dışmenon,de istikboron qıləy aşti və sulh kardedənimon.əmmo de mısılmonə bıvon hiç qıləy ədovət iyən dışmenətimon ni.əmə deəvon dust,rəfığ və bıvəmon.çun ki,jıqo etığöod və bovəmon heste bəpe“Əşiddau ələl kuffori ruhəmau bəynəhum” bıbu.ım çəmə buzurquvorə İmomi(r) doə dərs be.ım çe İslomi Respublikə oşkoə xətte.əmə bo məzlumi himoyəro bə tərəf mığobili məzhəbi nəzə kardedənimon və kardəmon ni.çe buzurquvorə İmomi(r) xətt ım be.İmom Xomeyni(r) de Livani Şiyə mığoviməti çokonə rəftor kardedəbe, deçəmə Fələstıni Ğəzzədə bıə bıvon həm jəqoş rəftor karde.hiç qıləy tafut nınoə holədə.əmə həmonə himoyə və dastəq ki,Livanədə əncom domone,deştə Ğəzzədə bıə bıvon həm jəqo kardemone.hiç qıləy farğ nınoə holədə.əvon sınni bin,ımon şiyə.boəmə məsələ,çe İslomi hoviyyətiku mıdofiyə kardeye...