Nəhcul-Bəlağə pand iyən hikməton
Nəhcul-Bəlağə pand iyən hikməton
Xıdovənde-Xalığ Əhzabi mıborəkə surə 56-ə şərifə ayədə hamyedə:”İnnəllahə və məlayikətəhu..Xıdo iyən çəy firiştəon bə pəyğombəri səlavat vığandedən.ha imon vardə kəson ha,bəy səlavat iyən səlom bıvğandənən,qıləy çokə səlom.
Bın ayədə Xıdovənd çe jimoni muhimmə dərsonku qıləyni bəçəmə yod dənoydə iyən əv həm ıme ki,ehyanə şımə qıləy nəsyət kardeyon piye,qıləy baxşnomə sadir kardeyon piye və bə ikəsi qıləy sıxan votey bənav, əvvəl ıştən əməl bıkə,çən peşo baxşnomə sadir bıkə və nəsyət bıkə.
De qıləy təbiri bın ayədə Xıdovənde-Aləm piyedəşe ki,təlimot ibloğko,bırosno ki,ha millət ha!bə pəyğombəri səlavat bıvğandənən.əmmo ın cur hamyedə:”Xıdo iyən çəy firiştəon səlavat vığandedən.tı dılı ni səlavat bıvğandoş?.həyğətədə,deştə nıbıə zıvoni bəmə təlim doydə ki,əqər piyemone nəsyət,təlimot iyən baxşnomə təsir bıko,bəpe ıştən bəştə kardə sıxanon əməl bıkəmon.
Ğudsi hədisədə nəğl bıə ki, ha çe Odəmi fərzənd ha! Sıftədə boştə moyizə bıkə və peşo bə cokəson tevsiyə bıkə.
Qıləy merd ki,ıştənış bə nəsyət iyən pandi niyozmand və ehtiyocinış vinde,çoko ki,qıləy noxəş bə mohirə doktori ovard kardedə,bə Əmirəl-Muminin İmom Əli(ə) xıdmət rəse iyən çə həzrətiku moyizə və nəsyətış tələb karde.
Həzrət İmom Əli(ə) həm bə həmonə merdi zıney xoto,vey barz iyən muhimmə nuktəonış bəyon karde.ə həzrət ıştə sıxanon sıftədə jıqoş hamye:”çə kəsonku məbi ki,əməl nıkardə holədə bə uxrəvi hərəbaxtəti qıləy umuş heste və tobə deştə dırozə oruzon bə təxir eğandedə,çe dınyo barədə bənə zohidi sıxan votedə,əmmo bənə dınyopərəston əməl kardedə.ehyanə çe dınyoku bəy qıləy çi bırəso,si nibəbe və əqər nırəso,hiçvaxti ğane nibəbe.bəy doə bıə çiyon şukriku ocize,əmmo ijən həm ziyodə tələb kardedə.cokəson çe bədə koonku oqəteydə,əmmo ıştən nəhyi ğəbul kardedəni və cokəson bə çokə koon səmt dəvət kardedə,lakin ıştən bəy əməl kardedəni.saleh iyən ləyoğətinə şəxsonış piyedə,əmmo çəvon kardə əməlon əncom doydəni və qınokoronku xoşış omeydəni,əmmo ıştən çəvonku qıləyniye.....
